Bul týraly «ANTIKOR LIVE» jobasy aıasynda ótken tikeleı efırde QR Memlekettik qyzmet isteri agenttiginiń Shyǵys Qazaqstan oblysy boıynsha departament basshysy, ádep jónindegi keńes tóraǵasy Nurlan Erkebaev aıtty, dep habarlaıdy Egemen.kz.
«2021 jylǵy 1 qańtardaǵy jaǵdaı boıynsha Shyǵys Qazaqstan oblysynda 686 memlekettik organ jumys isteıdi. Shtat sany – 7853 birlik. Naqty sany – 6799. Bos oryndar sany – 1054 nemese 13,4%. Memlekettik qyzmetshilerdiń ortasha jasy – 42 jas. Zeınetkerlik jasy aldyndaǵy memlekettik qyzmetshiler sany – 192. Kelisimshartpen jumys isteıtin zeınetkerler sany – 46. Salada 47 múmkindigi shekteýli jandar jumys isteıdi. Memlekettik qyzmetshilerdiń jalpy sanynyń 64% áıelder quraıdy, onyń ishinde 755 áıel basshylyq qyzmet atqarady. Memlekettik qyzmetshilerdiń 87% joǵary bilimi bar, 76 qyzmetshiniń sheteldik bilimi bar (Bolashaq baǵdarlamasyn eseptemegende). 11 memlekettik qyzmetshiniń ǵylymı dárejesi bar, onyń ishinde 2 – ǵylym doktory jáne 9 – ǵylym kandıdaty. Memlekettik organdarda QR MBA 13 túlegi, «Bolashaq» baǵdarlamasynyń 4 túlegi jumys isteıdi. Oblystyń memlekettik organdarynda 18 ult ókilderi jumys isteıdi, onyń ishinde 88% – qazaq, 11% – orys jáne 1% – basqa ult ókilderi», deıdi Nurlan Erkebaev.
Departament basshynyń sózine súıensek, 2021 jyldyń 1 toqsanynda 576 bos orynǵa (ishki konkýrs – 234, jalpy konkýrs – 342) konkýrs jarııalanyp, oǵan 510 úmitker qatysqan. Qorytyndysy boıynsha 290 bos laýazymǵa (ishki konkýrsta – 99, jalpy konkýrsta – 191) jeńimpazdar usynylǵan. 50% laýazym toltyrylmaǵan. Ishki konkýrstarmen joǵary turǵan laýazymdarǵa taǵaıyndalǵandardyń úlesi – 70% qurasa, baqylaýshylardyń qatysýymen ótkizilgen konkýrstardyń úlesi 100% kórsetkishti quraǵan. Sonymen qatar, aǵymdaǵy jyldyń 1 toqsanynda oqýǵa josparlanǵan 459 memlekettik qyzmetshi oqytylyp, onyń ishinde 102 qyzmetshi qaıta daıarlaý, 357 biliktilikti arttyrý kýrstarynan ótti. Sondaı-aq, osy merzimde 16 memlekettik qyzmetshi taǵylymdamadan ótti.
«Oblys aýmaǵynda memlekettik kórsetiletin qyzmetterdiń tizimine sáıkes 400 memlekettik kórsetiletin qyzmet túri beriledi. Aǵymdaǵy jyldyń alǵashqy toqsanynda 3 970 013 memlekettik kórsetiletin qyzmet túri berildi. Onyń 95%-y elektrondy túrde, 3,9%-y HQKO arqyly, 1,1%-y memlekettik kórsetiletin qyzmetti berýshilerdiń keńseleri arqyly berildi. 2021 jyldyń 1 toqsanynda 8 baqylaý sharalary ótkizildi, onyń 5-i profılaktıkalyq baqylaý, 3-i jospardan tys tekserýler. Barlyǵy 66 memlekettik kórsetiletin qyzmetter zańnamasyn buzýshylyqtar anyqtaldy. Buzýshylyqtardyń basym bóligi turǵyn úı-kommýnaldyq sharýashylyq 34, múlik jáne zııatkerlik menshik quqyǵy 16 salalarynda anyqtaldy. Sondaı-aq, eseptik kezeńde Ákimshilik kodekstiń 465-baby boıynsha ákimshilik quqyq buzýshylyq týraly 2 hattama jasaldy. Olardy qaraý nátıjesinde jalpy somasy 87 510 teńge aıyppul salyndy, olar tolyq kólemde memleket kirisine óndirildi. Baqylaý jáne ózge de sharalardyń nátıjesinde memlekettik kórsetiletin qyzmetti berýshilerdiń 1 tulǵasy tártiptik jaýapkershilikke tartyldy», deıdi Nurlan Erkebaev.
Efır sońynda, Departament basshysy I toqsanda Ádep jónindegi keńestiń 2 otyrysy ótkizilgenin jáne onda 18 másele qaralǵanyn atap ótti. Qaraý nátıjeleri boıynsha 80 usynys berilgen. Onyń ishinde: profılaktıkalyq sıpattaǵy – 76, tártiptik ister – 4. Atalǵan usynystardyń barlyǵy 100% oryndalǵanyn jetkizdi.