El gazeti «Egemen Qazaqstan» óziniń jyldaǵy dástúri boıynsha jas jýrnalısterge arnalǵan «Úmit» konkýrsyn jarııalaǵan bolatyn. «Táýelsizdik – tuǵyrym» degen taqyrypqa arnalǵan bas basylym báıgesiniń bıylǵy jeńimpazy «Atyraý-aqparat» JShS-na qarasty «Jańa medıa» bóliminiń basshysy, jas jýrnalıst Nurgúl Ysmaǵulova boldy.
Komıssııa músheleri táýelsizdik qurdasynyń atynan baıandalǵan, ómir shyndyǵymen órilgen, oqyrmandy birden baýrap alady dep baǵalaǵan esse janryndaǵy «Kishkentaı aýyldaǵy úlken oqıǵa» degen materıaldy biraýyzdan birinshi júldege laıyq dep tanydy.Al ekinshi oryndy «Tiri teńizben tildesý» degen materıalymen qatysqan «Syr boıy» gazetiniń tilshisi, qyzylordalyq Erjan Qojasovqa berýge sheshim qabyldady. О́kinishke qaraı komıssııa músheleri úshinshi orynǵa eshqandaı shyǵarma laıyq emes dep sheshti.Elimizdegi pandemııalyq ahýalǵa baılanysty júldegerlerdi marapattaý rásimi ótpeıdi. Jeńimpazdardyń syı-sııapaty jeke shottaryna aýdarylady.
«Egemen-aqparat»