Qazaqstan Respýblıkasynyń Prezıdenti Nursultan Nazarbaevtyń «Qazaqstan -2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýynda zamanaýı jáne tıimdi bilim berý men densaýlyq saqtaý júıesin qurý basty maqsat retinde aıqyndaldy. Densaýlyq saqtaýdyń ulttyq júıesin uzaqmerzimdi jańǵyrtý aıasynda medısınalyq qyzmet sapasynyń biryńǵaı standarttaryn engizý, medısınalyq mekemelerdiń materıaldyq-tehnıkalyq bazasyn sáıkestendirý men jetildirý syndy mindetter qoıyldy.
Qazaqstan Respýblıkasynyń Prezıdenti Nursultan Nazarbaevtyń «Qazaqstan -2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýynda zamanaýı jáne tıimdi bilim berý men densaýlyq saqtaý júıesin qurý basty maqsat retinde aıqyndaldy. Densaýlyq saqtaýdyń ulttyq júıesin uzaqmerzimdi jańǵyrtý aıasynda medısınalyq qyzmet sapasynyń biryńǵaı standarttaryn engizý, medısınalyq mekemelerdiń materıaldyq-tehnıkalyq bazasyn sáıkestendirý men jetildirý syndy mindetter qoıyldy.
Medısınalyq JOO-lardyń ǵylymı-zertteý jáne tájirıbelik jumystarynyń basty maqsatyna den qoıa otyryp, sapaly jáne qoljetimdi medısınalyq qyzmet kórsetý, profılaktıkalyq medısınany damytý, «smart-medısına» qyzmetin engizý, qashyqtyqtan emdeý, elektrondyq medısına, balalardy emdeýge arnalǵan jańa ádis-tásilder, medısınalyq bilim berý júıesin jaqsartý Densaýlyq saqtaýdy damytýdyń basym mindetteri retinde aıqyndaldy. Elbasynyń atalǵan tapsyrmasyn oryndaý «Salamatty Qazaqstan» memlekettik densaýlyq saqtaýdy damytý baǵdarlamasyn júzege asyrýmen tikeleı baılanysty. Atalǵan baǵdarlamany júzege asyrý barysynda Densaýlyq saqtaý mınıstrligi tarapynan mekeme qyzmetin júıeli uıymdastyrý, densaýlyq saqtaý júıesin tıimdi basqarý, qarjylandyrý jolynda birtalaı jumystar atqarylýda. Búginde densaýlyq saqtaýdy damytý júıesiniń jańa nysandaryn qurýmen birge, sapaly medısınalyq qyzmet alý úshin de qolaıly jaǵdaılar jasalyp otyr. Máselen, elimizdiń alshaq aýdandaryn medısınalyq qyzmetpen qamtamasyz etip otyrǵan kóliktik medısına jyldam qarqynmen damýda.
Elbasy Nursultan Nazarbaevtyń «Qazaqstan joly – 2050: bir maqsat, bir múdde, bir bolashaq» atty halyqqa jańa Joldaýynda qazaqstandyqtardyń ómir súrý uzaqtyǵyn 80 jasqa nemese odan da kóp jasqa uzartýǵa múmkindik beretin salamatty ómir salty men medısınany damytýǵa basymdyq berilgen. Endi Qazaqstandy jetekshi eýrazııalyq medısınalyq týrızm ortalyqtarynyń birine aınaldyrý mindeti tur.
Memleket basshysy densaýlyq saqtaý salasyndaǵy medısınalyq-sanıtarlyq alǵashqy kómek kórsetýdi jetildirýge kóńil bólý kerektigin atap ótti. Prezıdenttiń aıtýynsha, memleket pen jumys berýshiniń jumyskerdiń densaýlyǵy úshin ortaq jaýapkershiligi barlyq medısınalyq qyzmet kórsetý júıeleriniń basty qaǵıdasy bolyp tabylady. Elbasy mindetti medısınalyq saqtandyrýdy engizý máselesin de nazardan tys qaldyrmady. Onyń aıtýynsha, bul júıeni jiti zerttegen jón. Álem elderiniń tájirıbesine súıensek, medısınalyq saqtandyrýdyń paıdaly jaqtary jeterlik. Atalmysh júıe emdelýshilerdiń múddesin qorǵaýmen shektelip qana qoımaı, medısınalyq qyzmet kórsetýdiń sapasy men kólemine saraptyq baǵa bere alady. Jalpy alǵanda, medısınalyq saqtandyrýdy damytý qazirgi kezdegi densaýlyq saqtaý júıesindegi kemshilikterdi azaıtady. Bul álemdik tájirıbede dáleldengen.
Sondaı-aq, Joldaýda N.Á.Nazarbaev Qazaqstandy halyqtyń ómir súrýi úshin qaýipsiz jáne jaıly álem elderiniń birine aınaldyrý maqsatyn qoıdy. Ásirese, Elbasynyń múmkindigi shekteýli jandarǵa kóńil aýdarýdy arttyrý jaıly sózin erekshe atap ótkim keledi. Shynymen de, olarǵa qamqorlyq jasaý qoǵamnyń mindeti bolyp tabylady.
Prezıdent Joldaýy erteńgi kúnge degen senimdi arttyrady. Sebebi, alǵa qoıylǵan tapsyrmalar halyq densaýlyǵyn saqtap, turmys jaǵdaıyn jaqsartýdy kózdeıdi.
Dáýlethan ESIMOV,
Densaýlyq saqtaý mınıstrligi
«Densaýlyq saqtaýdy damytýdyń respýblıkalyq ortalyǵy» ShJQ RMK
bas dırektorynyń orynbasary.