Halyqtyń qashanda aıtary bar

Ishki ister vıse-mınıstri Erlan Turǵym­­­­baev «Nur Otan» partııasy Respýblıkalyq qoǵamdyq qabyldaý bólmesinde azamattarǵa qabyldaý júrgizdi.

Ishki ister vıse-mınıstri Erlan Turǵym­­­­baev «Nur Otan» partııasy Respýblıkalyq qoǵamdyq qabyldaý bólmesinde azamattarǵa qabyldaý júrgizdi.

Elorda men respýblıka óńirle­­riniń turǵyndary vıse-mınıstrge eski pasporttaryn aýystyryp, jańa jeke kýálik alý týraly ótinishter bildirdi. Atap aıtqanda, Qaraǵandy qalasynda turatyn Lıtvınov balalar úıiniń tár­bıelenýshisi Sergeı Tokarevte Qa­zaq­­­­stan Respýblıkasy azamatynyń jeke kýáligi bolmasa, Ilııas Ahmedhanov 1974 jyldan beri pasportyn aýystyrmapty.

Vıse-mınıstrge, sondaı-aq, IIB men IID qyzmetkerleri qylmystyq isterdi tekserýde jurtshylyqty áýre-sarsańǵa salatyndyǵyna shaǵymdar aıtyldy. Máselen, N.Ibraeva esimdi azamatsha Ońtústik Qazaqstan oblysy IID qyzmetkerleri týysynyń qaza tabý faktisi boıynsha qylmystyq isti ádil teksermegeni týraly aryzdandy.

S.Táńirbergenova, T.Baıjol­dı­nov pen B.Tileýbekov urlyq pen alaıaqtyq faktisi boıynsha Alma­ty jáne Almaty oblysy IID qyz­metkerleri tarapynan qylmys­tyq isti tekserýdi jyldamdatý jóninde ótinish aıtty. Sondaı-aq, Respýblıkalyq qoǵam­dyq qabyldaý bólmesine kelgen birqa­tar azamattar quqyq qorǵaý organ­dary qyzmetkerleriniń zańsyz áreket­terine shaǵym bildirdi.

«Respýblıkalyq qoǵamdyq qa­byldaý bólmesinde azamattardy qa­byldaý qorytyndysy boıynsha quqyq qorǵaý organdary men Ishki ister mı­nıstrligine monıtorıng júrgizemiz, ıaǵnı qaı óńirden shaǵymdar kóp tústi, eger aryzdar kóp bolsa, sáıkesinshe ol de­partamenttiń jumysyndaǵy, son­daı-aq, basshylyqtyń qyzme­tindegi olqy­lyq bolyp sanalady. Búgingi kúni aıtyl­ǵan aryzdar baqylaýǵa alyndy, mı­nıstrlikke joldanǵannan keıin olar­ǵa jaýap qaıtarylatyn bolady. Al aýmaqtyq organ bir aı merzim ishin­de tıisti sharalar qoldanyp, esep berýi tıis. Biz adamdardyń máselesin tú­be­geıli sheshýge tyrysamyz», dedi Ishki ister vıse-mınıstri E.Turǵym­­­­­ba­ev.

Qabyldaý barysynda E.Tur­ǵym­baev Astana qalasynyń 13 turǵynyna keńes berip, beınemájilis baılanysy arqyly Qaraǵandy, Atyraý jáne Shyǵys Qazaqstan oblystarynan habarlasqan 5 adamnyń máselesin óz qadaǵalaýyna aldy. Qorytyndylaı kele, Ishki ister vıse-mınıstri aza­­mattardyń ótinishteri boıynsha má­seleni sheshý úshin aýmaqtyq or­gan­darǵa birqatar tapsyrmalar berdi.

«Egemen-aqparat».