Aqyn rýhy asqaqtady

Almaty qalasy ákimdiginiń uıym­dastyrýymen Qazaq­stannyń halyq jazý­shysy, ataqty aqyn Qadyr Myrza-Áliniń qurmetine buryn ózi turǵan úıde eskertkish taqta ashyldy.

Almaty qalasy ákimdiginiń uıym­dastyrýymen Qazaq­stannyń halyq jazý­shysy, ataqty aqyn Qadyr Myrza-Áliniń qurmetine buryn ózi turǵan úıde eskertkish taqta ashyldy.

Jetpisten asa poezııalyq, prozalyq, sondaı-aq, ádebı syn janrlarynda jazylǵan birneshe kitaptyń avtory, eki júzge tarta óleńine án jazylǵan arqaly aqyndy ulyqtaý sharasyna Almaty qalasynyń ákimi Ahmetjan Esimov, aqynnyń týǵan jeri Oral óńirinen arnaıy kelgen azamattar jáne qazaq ádebıeti men óneriniń ókilderi qatysty.

– Búgingi qazaq poezııasyn Qadyr aqynsyz elestetý múmkin emes. Qazaqtyń birneshe býyny onyń ótkir de, asqaq jyrymen sýsyndap ósti. О́tken men búginniń, tipti, keleshek qoǵamnyń búlkildegen tamyryn dóp basatyn óreli aqyn qazaqtaı halyq bar kezde eshqashan umytylmaq emes, – dedi qala ákimi A.Esimov sal­­tanatty sharada sóılegen sózinde.

Iá, «О́zge tildiń bárin bil, óz tilińdi qurmette», dep jyr­lap ótken Qadyr aqyn ege­mendikke qol artqan tusta Al­maty qalasynda alǵashqy qazaq mektepterin ashýǵa uıytqy bolǵan edi. Jáne onyń bul aza­mattyq eńbegi ár qazaqtyń júreginde árdaıym saqtalatyny da ras.

Búginde Qadyr Myrza-Áliniń pesalary respýblıkamyzdyń barlyq derlik teatrlarynda sahnalanyp júr. Onyń eshkimge uqsamaıtyn ozyq oıly týyndylary álemniń birneshe tilderine tárjimalanyp, ol aýdarǵan álemdik klassıkterdiń eńbekteri óz oqyrmandaryn bekzattyqqa baýlyp keledi.

1980 jyly aqynǵa «Jer­uıyq» atty jyr kitaby úshin Qazaq KSR Memlekettik syılyǵy, 1993 jyly rýhy bıik ádebı týyndylary úshin Mońǵolııanyń halyqaralyq «AVIаS» syılyǵy berildi. 2001 jyly táýelsiz «Tarlan» syılyǵymen jáne ár jyldarda «Parasat», I dárejeli «Dostyq» ordenderimen nagradtaldy.

Saltanatty shara barysyn­da aqynnyń zamandastary, jary men qoǵam qaıratkerleri estelikter aıtyp, keleshekte Almaty qalasynan Qadyr Myrza-Áliniń atyna kóshe berý týraly usynystaryn ortaǵa saldy.

Qanat ESKENDIR,

«Egemen Qazaqstan».

ALMATY.

–––––––––––––––––––––––––––––––

Sýretti túsirgen Bersinbek SÁRSENOV.