Qazaqta «Jaqsy sóz jarym yrys» degen ataly sóz bar. Elbasynyń «Ulttyq ıdeıamyz – Máńgilik El!» dep naqtylaýy sol danalyqpen astasyp, ózindik úılesim tabýda. Ásili, máńgilik el bolý úshin yntymaǵy jarasyp, ekonomıkasy damyǵan halqy, turaqty ulttyq teńgesi syndy qundylyqtary bar Táýelsiz memleket ornyǵýy tıis. Sonda sol elmen órkenıetti elder sanasady.
Qazaqta «Jaqsy sóz jarym yrys» degen ataly sóz bar. Elbasynyń «Ulttyq ıdeıamyz – Máńgilik El!» dep naqtylaýy sol danalyqpen astasyp, ózindik úılesim tabýda. Ásili, máńgilik el bolý úshin yntymaǵy jarasyp, ekonomıkasy damyǵan halqy, turaqty ulttyq teńgesi syndy qundylyqtary bar Táýelsiz memleket ornyǵýy tıis. Sonda sol elmen órkenıetti elder sanasady.
Bul bıikke biz Táýelsizdigimizdi tórtkúl dúnıege pash etkeli Elbasynyń bastaýymen kóterilgenimiz aıan. Muny «Máńgilik El» bolý baspaldaǵyna qadam basý dep te túsingen lázim.
«Qazaqstan Respýblıkasynyń Prezıdenti Nursultan Nazarbaevtyń «Qazaqstan joly – 2050: bir maqsat, bir múdde, bir bolashaq» atty dástúrli Joldaýynyń ustanymy – elimizdi álemdegi damyǵan 30 memlekettiń qataryna qosý, Táýelsizdigimizdi saqtaı otyryp, «Máńgilik El» ıdeıasyn baıandy etý. Elbasynyń bıylǵy Joldaýynda óndiris pen turmysta jańa tehnologııalar arqyly jappaı elektr qýatyn barlyq jerde únemdeýge qoldaý kórsetý qajet dep naqtylandy. Ras, tutynýshylar sanynyń ósýine baılanysty oblysta elektr qýatynyń tapshylyǵy sezilýde. Bul másele 2018 jyly Balqash jylý elektr stansasynyń qurylysy aıaqtalǵanda tolyqtaı sheshiletin bolady. «Qoljetimdi baspana-2020» baǵdarlamasynyń aıasynda qurylys merzimderin qysqartýǵa, óndiristik shyǵyndardy azaıtýǵa múmkindik beretin úı qurylysy kombınatyn iske qosamyz. 2014 jyly kombınattyń qurama-monolıtti konstrýksııalarynan turatyn 5-7 myń sharshy metr turǵyn úı paıdalanýǵa beriledi dep josparlanýda», – dedi aktıv jıynynda Almaty oblysynyń ákimi Ańsar Musahanov.
Elbasy Joldaýda agroónerkásip keshenine jańa tehnologııalardy engizý, eńbek ónimdiligin arttyrý jáne ónerkásipti álemdik standarttarǵa saı uıymdastyrý joldaryn belgilep bergen edi. Agrarlyq-ınnovasııalyq klasterdiń ǵylymı negizdelgen júıesin engizýge basa nazar aýdardy. Almaty oblysynyń agrarlyq sektorynyń áleýeti zor bolǵandyqtan, topyraqtyq-klımattyq jaǵdaıy qolaıly, sýdyń mol qory bar. «AgroBıznes-2020» baǵdarlamasymen aýylsharýashylyǵy taýar óndirýshilerine edáýir memlekettik qoldaý kórsetý qarastyrylǵandyqtan, egistik kólemi byltyr arǵy jylmen salystyrǵanda 21 myń gektarǵa ósti, al 2017 jyly 920 myń gektar jerge jetkizilmek. Osylaı deı kele, oblys basshysy Joldaýǵa sáıkes ózge salalar boıynsha atqarylatyn jumystardy tujyrymdap, tıisti qyzmetterge naqty tapsyrmalar berdi.
Kelesi kezekte, oblys ardagerleri, dárigerler men muǵalimder, óndiris orny qyzmetkerleri, bıznesmender, jastar ókilderi minberge kóterilip, Joldaýdan alǵan áserlerin, ózindik oı-tujyrymdaryn ortaǵa saldy. Jyldyń basty qujatyn jan-jaqty nasıhattaýǵa oı qosyp, pikir almasýǵa arnalǵan jıyndy Ańsar Musahanov qorytyndylady.
Nurbol ÁLDIBAEV,
«Egemen Qazaqstan».
Almaty oblysy.