Sochıde ótetin Qysqy Olımpııalyq oıyndar kezinde Qazaqstannyń 2017 jyly bolatyn EXPO halyqaralyq kórmesi men 2022 jyly Almatyda ótýi múmkin kelesi Qysqy Olımpıadaǵa daıyndyǵy týraly tanystyrylymy jasalady.
Sochıde ótetin Qysqy Olımpııalyq oıyndar kezinde Qazaqstannyń 2017 jyly bolatyn EXPO halyqaralyq kórmesi men 2022 jyly Almatyda ótýi múmkin kelesi Qysqy Olımpıadaǵa daıyndyǵy týraly tanystyrylymy jasalady.
Sport jáne deneshynyqtyrý isteri agenttigi baspasóz qyzmetiniń habarlaýynsha, tanystyrylym fılmderi Sochıdegi Qazaqstannyń baspasóz ortalyǵynda kórsetiledi. Agenttik qazirden bastap osy sharaǵa daıyndyq jumystaryn júrgizýde. «2017 jyly Astanada EXPO halyqaralyq kórmesiniń ótetinin bilesizder. Bıyl kóktemde kórme ótetin jerde qurylys bastalady. Qazir kórmeniń jobasy daıyn. Osy jobany Olımpıada kezinde sheteldikterge taǵy da tanystyrýdy jón kórip otyrmyz. Al 2022 jylǵy Qysqy Olımpıadaǵa kelsek, ázirshe ol qaı eldiń qalasynda ótetini belgisiz. Alaıda, qolda bar málimetterge qaraǵanda, osy kúnderi Almaty eń basty úmitker qalalardyń biri retinde jıi atalyp júr. Bizdiń el tórt jylda bir keletin Olımpıadany qabyldaýǵa úmitti. Biz Sochıde osy dodany ótkizýge múmkindigimiz bar ekenin kórsetkimiz keledi», deıdi agenttik baspasóz qyzmetiniń jetekshisi Baqytbek Hamıt.
Dastan KENJALIN,
«Egemen Qazaqstan».