Qaýipsizdik jolyndaǵy 95 jyl

Keshe elimizdiń kólik polıseı­leri Kólik polısııasynyń quryl­ǵanyna 95 jyl tolý mereke­sin atap ótti. Saltanatty sharaǵa de­par­tament basshylyǵy, jeke quram men ishki ister organdarynyń ar­dagerleri qatysty. Is-shara qyz­mettik boryshyn óteý kezinde er­lik­pen qaza tapqan áriptesterge ar­nalǵan «Máńgi umytylmas esim­der» eskertkishine gúl shoq­ta­ryn qoıýdan bastaldy. Jı­nal­ǵan­dar jeke quramnyń máń­gi­lik tizimine engen erlerdi bir sát únsizdikpen eske aldy. «Al­ǵash­­qy qurylǵan kúnnen-aq kó­lik mılısııasy elimizdiń ishki is­­ter organdarynyń jetekshi qyz­­meti bolyp sanaldy. Elimiz táýel­­sizdik alǵan jyldary ishinde kólik saqshylary el qaýipsizdigi men órkendeýi jolynda ózderine júktelgen mańyzdy memlekettik mindetterdi abyroımen atqardy. Budan bylaı da departamenttiń jeke quramy men onyń bólinis­terin­degi qyzmetkerlerdiń quqyq tártibin nyǵaıtyp, azamattardyń zań­dy múddeleriniń qorǵalýyn qam­tamasyz etý úshin aıanbaı eńbek ete­tindigine senim bildiremin», de­di Kóliktegi IID bastyǵy, po­lı­­­sııa polkovnıgi Berik Bısen­qulov. Shara barysynda ishki ister organdarynyń ardagerleri men aýǵan soǵysynyń ınterna­sıo­nalıst-jaýyngerleri de qut­tyqtaý sóz sóılep, kóptegen qyz­met­ker­ler marapatqa ıe boldy, dep ha­bar­lady Kóliktegi IID baspasóz qyzmeti.