*Almaty qalasynda TMD halyqtary mádenıetiniń festıvali bastaldy. Shara aıasynda ulttardyń tól mádenı murasy týraly derek aıtylyp, qolóner buıymdaryna arnalǵan kórme ótkiziledi.
*Shyǵys Qazaqstan oblysynda «Rıdder – О́skemen» jáne «О́skemen – Rıdder» baǵytyndaǵy týrıstik temirjol marshrýty iske qosyldy. Sonyń negizinde jergilikti óńirge keletin saıahatshylar qatary artty.
*Bıyl Shymkent qalasynda 36 kásiporyn paıdalanýǵa berilip, 3257 jańa jumys orny ashyldy. Al aldaǵy merzimde «Ońtústik» ındýstrııalyq aımaǵynda quny 45,0 mlrd.teńgeni quraıtyn 59 jobany iske qosý josparlanǵan.
*Taraz qalasynda 2 myńnan asa adam qatysqan patrıottyq forým ótti. Onda «Máńgilik El» ıdeıasynyń mańyzy sóz etildi.
*Aqtaý qalasynda Túrikmenstan konsýldyǵy ashyldy. Osy arqyly mańyzdy máselelerdi birlesip sheshýge negiz qalanyp otyr.
*Qostanaı oblysynda bıylǵy jyldyń kóktem aıynda «Toyota» kóligi shyǵarylady. Bul isti óz mindetine alǵan «SaryarqaAvtoProm» JShS qazirden bastap ázirlikti bastap ketti.
*Batys Qazaqstan oblysynyń Aqjaıyq aýdanynda aýyl ákimderi memlekettik baǵdarlamalar boıynsha synaq tapsyrdy. Olardyń arasynda 14 ákimniń bilim deńgeıi joǵary baǵalandy.
*Mańǵystaý oblystyq halyqqa qyzmet kórsetý ortalyǵy ıgilikti bastamany qolǵa aldy. Ondaǵy qyzmetkerler múmkindigi shekteýli azamattardyń tapsyrys bergen qujattaryn úılerine aparyp berýde.
Egemen.kz habarlary men oblystyq ákimdikter saıttarynyń materıaldary boıynsha daıyndaldy.