Qostanaı oblysy Áýlıekól aýdanyndaǵy «Qazposhta» AQ aqshasyn urlaǵandar qolǵa tústi. Bul týraly Qostanaı oblystyq sotynyń saıty habarlady.
Kúdiktiler joǵaryda atalǵan óńirdegi «Qazposhtanyń» arnaıy bólmesindegi 9 563 182 teńgeni urlaǵan. Ustalǵandardyń ekeýi de esh jerde jumys istemeıdi. Qazir quqyq qorǵaý qyzmetkerleri olardyń basqa da qylmysqa qatysy baryn tekserý ústinde. Qylmystyq kodekste mundaı qylmysqa 5-10 jyldan bas bostandyǵynan aıyrý jazasy qarastyrylǵan.
Qazir aıypkerler ýaqytsha oqshaýlaǵyshta otyr. Jaqyn arada olarǵa qatysty sot prosesi bastalatyn bolady.
Ámirhan Almaǵanbetov.
Derekkóz: Qostanaı oblystyq soty.
Foto: 1Tv.ru.