Kásipkerlikti damytý jaıy sóz boldy

Keshe Premer-Mınıstr Serik Ahmetov Kásipkerlerdiń ulttyq palatasymen kezdesý ótkizdi, dep habarlady Premer-Mınıstrdiń baspasóz qyzmeti. Kezdesýge ortalyq atqa­rýshy organdardyń, ulttyq ko­mpanııalardyń, salalyq qaýym­dastyqtardyń basshylary qatysty. Keńes barysynda ulttyq valıýta baǵamyna túzetýler engizýge baılanysty, kásipkerlik salany damytýdyń kókeıkesti máseleleri talqylandy. Keńeste UKP komıtetteri men salalyq qaýymdastyqtar basshylary sóıledi. Kezdesý barysynda taraptar ekonomıkanyń basym salalarynda odan ári makroekonomıkalyq jáne áleý­mettik turaqtylyqty saqtaý boıynsha pikir almasty. Kezdesýdi qorytyndylaı kele, Premer-Mınıstr keńes­te kóterilgen másele­lerdiń óte mańyzdy ekenin jáne Úki­mettiń barlyq usy­nys­tar­dy muqııat qaraıtynyn atap kór­setti. «Barlyq máseleler júıeli túrde sheshiletin bolady, onyń kópshiligi boıynsha biz Kásipkerlerdiń ulttyq palatasymen keńesetin bolamyz», dedi S.Ahmetov.