Dári-dármekpen qamtamasyz etý caraptaldy

Densaýlyq saqtaý mınıstrliginde Senat jáne Májilis depýtattarynyń qatysýymen mınıstrlik janyndaǵy Pasıentterdiń quqyqtaryn qorǵaý jónindegi qoǵamdyq keńestiń kezekti otyrysy ótip, onda naýqastardy dárimen qamtamasyz etý jaıy tyńdaldy. «SK-Farmasııa» JShS bas­qarma tóraıymy Sholpan Ahmet keltirgen málimetterge qaraǵanda, teńge baǵamynyń ózgerýi stasıonarlarda jáne emhanalarda naýqastardy dárimen qamtamasyz etý kólemine áser etpeıdi. Biregeı operator 2014 jylǵa arnalǵan dári-dármekti ótken jyly satyp alyp qoıǵan. Qazirgi ýaqytta óńirlerge dáriler kestege saı ýa­qytynda jetkizilýde. Biregeı operator jyl saıyn dári óndirýshi zaýyttardan deldaldarsyz tikeleı satyp alý kólemin ulǵaıtqan. 2011 jyly bastalǵan bul jumys óz jemisin berip, jalpy kólemi 18,5 mlrd. teńgege tike­leı kelisimsharttar jasaýǵa múm­kindik bergen. Nátıjesinde 3,6 mlrd. teńge únemdelipti. Sondaı-aq, otandyq taýar óndirýshilerdi qoldaý jalǵasyp, 2014 jyly olardyń úlesi «SK-Farmasııa» JShS jalpy satyp alý kóleminiń 75%-yn qurap, 15,7 mlrd. teńgege jetken. Bul úrdis jalǵasyn taýyp, jańa ereje ınvestısııalar tartýǵa múmkindik bere bastaǵan. Qazirgi ýaqytta birqatar óndirýshiler el naryǵyna qyzyǵýshylyq tanytyp, jańa zaýyttar salý, qazirgi bar tehnologııalardy jańartý jáne jańalaryn jetkizýge nıet bildirýde. Biregeı dıstrıbıýtordyń jeke bıýdjeti esebinen qalyp­tas­qan dárilik quraldardyń strate­gııalyq qorynyń bolýy satyp aly­natyn dárilerge baǵanyń kóte­rilmeýine kepildik bolady. Oǵan birqatar áleýmettik aýrýlardy emdeýge arnalǵan dáriler kiredi. Satyp alý úrdisi orta­lyq­syzdandyrylǵan qazirgi kezde 5 mln. teńgege deıingi qural-jabdyqtardy aýrýhanalardyń ózderiniń satyp alýyna, 5 mln.-nan 50 mln. teńgege deıingi tehnıkalardy lızıng júıesimen qol jetkizýge múmkindik bere­di. Búgingi tańda lızıngtik qyz­met­terdiń básekelestik naryǵynda medısınalyq tehnıkany satyp alýda eshqandaı shekteýler joq. «QazMedTeh» AQ qyzmetiniń nátı­jesinde 20 mlrd. teńge únem­delipti. Bul densaýlyq saqtaý bıýd­jeti úshin aýqymdy qarjy ekeni basqosýda aıtyldy. Dárilik quraldarmen jáne medısınalyq qondyrǵylarmen qamtamasyz etýdiń jańa júıesi ınvestısııalar tartýǵa, otandyq óndirýshilerdi qorǵaýdy qamta­masyz etip, jańa óndiristiń damýy­na yqpal etedi. Osynyń barlyǵy «Qazaqstan - 2050» Damý strategııa­syna saı keledi jáne Elbasynyń Qazaqstan halqyna arnaǵan tapsyrmalary sheńberinde iske asyrylady. Berik SADYR, «Egemen Qazaqstan».