Keshe, 24 naýryz kúni keshke Ýfada jergilikti «Salavat Iýlaev» Qurlyqtyq hokkeı lıgasynyń shırek fınalynda Astananyń «Barysyn» qabyldap, 5:2 etip utty. Sóıtip, Astanadaǵy sońǵy oıynnyń esebi qaıtalandy. Munda da alań ıeleri basym tústi. Bul týraly Vesti.kz habarlady.
Eki qarsylastyń úshinshi kezdesýinde esepti alań ıeleri ashty. Shaıbany forvard Egor Dýbrovskıı túsirdi. 14-mınýtta astanalyq Roman Savchenko alańnan qýyldy. Osyny jaqsy paıdalanǵan ýfalyq Andreı Zýbarev esepti 2:0-ge jetkizdi.
Ekinshi kezeńniń 5-mınýtynda Igor Mırnov qonaqtar qaqpasyna úshinshi shaıbany súńgitti. Osydan keıin astanalyqtar biraz jınaqtaldy. Olar kezeń sońyna deıin eki shaıbanyń qarymtasyn qaıtaryp úlgerdi. Aldymen Dmıtrıı Ýppen úzdik shyqsa, sosyn Brendon Bochınskı kózge tústi.
Degenme, «Salavat Iýlaev» buǵan deıingi basymdyǵyn úshinshi kezeńde qaıtaryp aldy. Olar 49-mınýtta (Teemý Hartıkaınen) taǵy bir shaıba soqty – 4:2. Osy esep match sońyna deıin bardy. Al oıyn bitýge bir jarym mınýt qalǵanda, astanalyqtar qaqpashy Vıtalıı Eremeevtiń ornyna altynshy alań oıynshysyn shyǵardy. Sol kezde ýfalyqtar bos qaqpaǵa taǵy bir shaıba salýǵa qol jetkizdi.
Osylaısha tórt jeńiske deıin sozylatyn serııanyń úsh matchtan keıingi esebi 2:1 boldy. Ázirge bashqurt hokkeıshileri alda. Kelesi kezdesý 25 naýryzda taǵy Ýfada ótedi. Sodan keıingi matchtyń kezegi qaıtadan Astanaǵa keledi.
Damır Qojamqul.
Derekkóz: vesti.kz
Foto: hcsalavat.ru.