Qazaqstan Respýblıkasy Parlamenti Senatynyń Tóraǵasy Qasym-Jomart Toqaev Eýropalyq Parlamenttiń depýtattary Elızabet Ieggl men Danıel van der Stýpty qabyldady, dep habarlady osy palatanyń baspasóz qyzmeti.
Meımandardyń ótinishi boıynsha Q.Toqaev Qazaqstan saıası júıesindegi Senattyń róli, elimizdegi saıası partııalardyń qyzmeti, ultaralyq kelisimniń negizderi týraly áńgimeledi. Ol memlekettiń kún tártibindegi adam quqyqtaryn qamtamasyz etý jónindegi jumystardyń daýsyz basymdyǵyn atap ótti.
Eýropalyq Odaqpen yntymaqtastyq máselelerine qatysty Senat Tóraǵasy qazirgi kezde Qazaqstan Eýropa Odaǵymen keńeıtilgen áriptestik jáne yntymaqtastyq týraly jańa kelisim ázirleýge jáne qol qoıýǵa erekshe mán beretinin atap ótti.
Áńgime barysynda EQYU Parlamenttik Assambleıasy aıasyndaǵy ózara is-qımyl, Gaagada ótken Iаdrolyq qarýsyzdaný jónindegi úshinshi jahandyq sammıt qorytyndylary, Prezıdent N.Nazarbaevtyń «Qazaqstan-2050» Strategııasyn iske asyrý máseleleri de qozǵaldy.