Oblys ákimi, «Nur Otan» partııasy Qyzylorda oblystyq fılıalynyń tóraǵasy Q.Kósherbaev partııa ǵımaratynda qoǵamdyq qabyldaý ótkizdi. Suraqtar san alýan. Áleýmettik, kásipkerlik, turǵyn úı máseleleri tóńireginde saýaldar qoıyldy.
Qoǵamdyq qabyldaýda bolǵan Shakızada Dúısenálıevanyń qyzy Arýjan – týabitti múgedek. Búırekteri durys jumys istemeıdi. Shakızada qyzyn emdetýge qarjy qolbaılaý bolyp kelgenin aıtady. Emdelýge kvota bólingenimen, jol shyǵynyna, jatar orynǵa qarjy tappaı qıynshylyq kórip júr. Em-dom alýǵa Sankt-Peterbýrg qalasyna kvota berilip tur. Biraq oǵan qyzyn aparatyn taǵy qarjy joq.
Qoǵamdyq qabyldaýǵa kelgen «Jan-Araı» JShS dırektory Baǵdáýlet Naqyshov 150 myń teńge qarjysyn bóldi. Balasy úshin tabaldyryq tozdyryp júrgen ananyń qýanyshynda shek bolmady. Oblys ákimi kómek qajet janǵa qoldaý kórsetken kásipkerge alǵysyn bildirdi.
«Egemen-aqparat».