Búgin, 30 naýryz kúni Parıjde Reseı syrtqy ister mınıstri Sergeı Lavrov pen AQSh memlekettik hatshysy Djon Kerrı kezdesedi. Bul týraly RF syrtqy ister mınıstrliginiń deregine súıengen ITAR-TASS habarlady.
«Kezdesý Reseı men AQSh prezıdentteriniń kelisimderin damytý baǵytynda» júrgiziledi», - delingen habarlamada.
Keshe telefon arqyly sóılesken sózderinde Reseı prezıdenti Vladımır Pýtın AQSh prezıdenti Barak Obamaǵa Ýkraınadaǵy jaǵdaıdy turaqtandyrýǵa yqpal etýdiń halyqaralyq qaýymdastyǵynyń múmkin bolatyn qadamdary týraly aıtqan edi.
Kreml baspasóz ortalyǵy habarlaǵandaı, Reseı lıderi Vashıngton ákimshiligi basshysynyń nazaryn ekstremısterdiń Ýkraınanyń ártúrli aımaqtary men Kıevte jalǵasyp jatqan júgensizdikterine, bılik qurylymdarynyń, tártip saqtaý organdarynyń jergilikti turǵyndardy qorqytyp-úrkitýge baǵyttalǵan toqtaýsyz aktilerine aýdardy.
Eki eldiń kóshbasshylary jaqyn arada Reseı men AQSh-tyń syrtqy saıasat vedomstvosynyń basshylary bul baǵyttaǵy birlesken jumystyń naqty isterin birlesip talqylaıdy dep sheshti. Senbi kúni osydan keıin Lavrov pen Kerrı arasynda da osyǵan uqsas áńgime júrdi. Olar negizgi áńgimeni Parıjde jalǵastyratyn bolyp kelisti.
Sáken Maılybaı.
Derekkóz: ITAR-TASS.
Foto: AP Photo/Jacquelyn Martin, Pool.