Ulttyq bank tóraǵasy Ǵalymjan Pirmatov Memleket basshysyna Ulttyq banktiń 2022 jylǵy 1-toqsanda júzege asyrǵan aqsha-kredıt saıasatynyń aldyn ala qorytyndylary jóninde esep berdi, dep habarlaıdy Egemen.kz Aqordaǵa silteme jasap.
Ulttyq bank tóraǵasy Memleket basshysyna qarjy jáne baǵa turaqtylyǵyn qamtamasyz etý úshin qabyldanyp jatqan sharalar týraly egjeı-tegjeıli aıtyp berdi.
Sondaı-aq Prezıdentke syrtqy jáne ishki naryqtardaǵy ahýal jaıynda baıandaldy. Ǵalymjan Pirmatov valıýta naryǵynda qalyptasqan úrdister, Ulttyq banktiń altyn-valıýta rezervteri men Ulttyq qordaǵy aktıvterdiń jaı-kúıi týraly aıtty.
Sonymen qatar Qasym-Jomart Toqaevqa ınflıasııanyń qarqyny, bank júıesindegi depozıtter qurylymynyń ózgerýi, zeınetaqy aktıvteriniń jaǵdaıy men tólem júıesiniń damýy jóninde málimet berildi.
Kezdesý sońynda Memleket basshysy Ulttyq bank tóraǵasyna birqatar tapsyrma júktedi.