Qyzylorda oblysynyń Jańaqorǵan aýdanyndaǵy «Jańarǵan Jańaqorǵan jastary» qoǵamdyq qory jomart jandardyń demeýimen eki úı salyp, muqtajdarǵa syıǵa tartty. Osylaısha, jaqsylyqqa jumylǵan jastar jerlesterine syılaǵan baspana sanyn segizge jetkizdi.
Bul joly jabyrqaǵannyń janynan tabylǵandardyń kómegi eki balasyn jetkizip otyrǵan múgedek jan men úıleri qulaý qaýpinde turǵan kópbalaly otbasyna tıip otyr.
Aýdan ákimi Murat Tileýimbetov baspanaly bolyp jatqan otbasylardy quttyqtap, qurylysqa atsalysqan bir top kásipker men jastarǵa «Alǵys hat» tabystady. Keıingi jyldary ǵana turǵyndar qonystana bastaǵan jańa aýdan men ortalyq stadıon mańynnan úı salyp, qınalyp júrgen jandarǵa qamqorlyq tanytyp, saýapty is jasaǵan jastarǵa aýdannyń bas ımamy Ábdihalyq qajy Mahmutuly men jerlesteri rızashylyǵyn jetkizdi.
Qyzylorda