Parlament Májilisiniń depýtattary, Amanat partııasynyń respýblıkalyq shtab músheleri Baqytbek Smaǵul, Gennadıı Shıpovskıh jáne Balaıym Kesebaeva Qazaly aýdany turǵyndarymen kezdesýde referendýmǵa qatysý qoǵamdy jańartýǵa qosylatyn úles ekendigin aıtty.
Ardagerler, ÚEU ókilderi jáne jastarmen júzdesýinde Baqytbek Smaǵul basty zańǵa engiziletin túzetýler halyqtyń ál-aýqaty men turmysyn jaqsartyp, barlyq salaǵa ózgeris ákeletinin jetkizdi.
Depýtat Gennadıı Shıpovskıhtiń Aqtan batyr, Janqoja batyr aýyldarynyń turǵyndarymen, Qazaly vagon paıdalaný deposy, lokomotıv jóndeý zaýyty ujymdarymen, aýdandaǵy kólik-tehnıkalyq kolledji qyzmetkerlerimen kezdesýde referendýmnyń mańyzy jaıly maǵynaly áńgime órbidi.
Al bilim jáne mádenıet salasynyń qyzmetkerlerimen kezdesken Balaıym Kesebaeva júzege asyrylatyn reforma eldi demokratııalandyrýǵa jasalyp otyrǵan qadam ekenine toqtalyp ótti.
– 5 maýsymda ótetin referendým tarıhı máni zor, el ómirindegi mańyzdy oqıǵa. Oǵan qatysý Jańa Qazaqstandy qurý bastamasyna qosylǵan úles, – dedi Balaıym Týǵanbaıqyzy.
Kezdesýlerde turǵyndar jalpyulttyq referendým ótkizý bastamasyn qoldaıtynyn jáne saıası jańǵyrý úderisinen tys qalmaıtyndyqtaryn jetkizdi.
Qyzylorda oblysy