Qyzylordada jýrnalıster arasynda shaǵyn fýtboldan oblys ákiminiń kýbogy úshin respýblıkalyq týrnır ótti. Tuńǵysh ret uıymdastyrylyp otyrǵan dodaǵa Nur-Sultan, Almaty, Taldyqorǵan, Shymkent qalalary men Jambyl, Túrkistan oblystarynan 9 komanda qatysty.
Eki kúnge sozylǵan týrnırde jankúıerler talaı tartysty oıynnyń kýási boldy. Doda bastalǵannan-aq shıraq oıyn kórsetken «Habar» agenttigi, «Ekspress-K» tilshileri, Jetisý jýrnalısterinen jasaqtalǵan «Qareket» pen jergilikti «Aqmeshit» komandasy oıynshylary báseke túıindeler tusta kezdesti. Úshinshi oryn úshin ótken oıynda qyzylordalyq «Aqmeshit» «Qareketten» 5:3 esebimen basym tústi. Fınalda kezdesken «Ekspress-K» men «Habar» fýtbolshylary negizgi oıyndy teń aıaqtap, penaltı tebýden alǵashqy ujym jigitteri basym tústi.
Qala ákimi Asylbek Shámenov týrnır jeńimpazy – «Ekspress-K» komandasyna arnaıy kýbok pen 1 000 000 teńge tabys etti.
Ekinshi oryn alǵan «Habar» komandasy – 700 myń, qola júldeger – «Aqmeshit» 400 myń, tórtinshi oryn ıemdengen «Qareket» komandasy 200 myń teńge ıelendi.
Almatylyq komanda quramyndaǵy Shoqan Mahan «Úzdik oıynshy», «Qareket» komandasynyń oıynshysy Esbolat Aıdabolsyn «Úzdik shabýylshy» atandy. «Taraz press» komandasynyń namysyn qorǵaǵan Aıbek Qabylsha «Úzdik qaqpashy», shymkenttik Araı Esenbek «Úzdik qorǵaýshy» atalymy boıynsha marapattaldy.
QYZYLORDA