Jaýapkershilik jarnadan bastalady

Keıingi kezde «Nur Otan» partııasynyń jumysynda sony serpilis baıqalaty­­­­­­nyn barsha jurtshylyq aıta alady. Partııanyń ashyqtyǵy, elmen baılanysyn etene ete túskeni, halyqtyń muń-muqtajyna kóbirek kóńil bóletin bolǵany aıqyn ańǵarylady. Osy istiń bel ortasynda Partııalyq baqylaý komıteti tur deýdiń eshqandaı artyqtyǵy joq. Keshe «Nur Otan» partııasy Saıası keńesi Bıýrosynyń mú­she­si, Májilis depýtaty Qýanysh Sul­­tanovtyń tóraǵalyq etýimen Par­tııalyq baqylaý komıtetiniń kezek­ti májilisi ótti. Onda partııa­nyń Soltústik Qazaqstan oblys­tyq fılıalynyń múshelik partııa jarnany ýaqtyly jınaýdy uıym­dastyrý jónindegi jumysy týraly másele qaraldy. Komıtet múshesi – Májilis depýtaty Irına Aronovanyń sózinde oblysta partııa músheleriniń jarna tóleý tártibi negizinen durys saqtalyp otyrǵany, sonymen qatar, birqatar kemshilikter de oryn alǵany atap ótildi. «Nur Otan» partııasynyń hatshysy Qumar Aqsaqalov óz sózinde bul jumystyń jaıyna jan-jaqty taldaý jasap, olqylyqtardy joıý jóninde usynystaryn aıtty. Partııanyń Soltústik Qazaqstan oblystyq fılıalynyń tóraǵasy, oblys ákimi Samat Eskendirovtiń sózi naqty jaǵdaıǵa shynshyl baǵa berýge, óz jumysyna synı turǵydan qaraýǵa quryldy. Partııalyq baqylaý komıtetiniń músheleri – Májilis depýtattary Maıra Aısına, Serikjan Qanaev, partııanyń Ortalyq baqylaý-revızııa komıssııasynyń múshesi Ánýar Ilııasova talqylanyp otyrǵan máseleniń mán-jaıyn tereń ashyp, partııa músheleriniń jaýapkershiligi jarna jınaý jumysynan da tanylatynyn atap aıtty, jiberilgen kemshilikterdi joıýdyń naqty joldaryn kórsetti. Májilis partııanyń óńirlik fılıaldary tóraǵalarynyń birinshi orynbasarlarynyń, oblystardaǵy partııalyq baqylaý komıssııalary tóraǵalarynyń túgeldeı qatysýymen beınekonferensııa túrinde uıymdastyrylyp, másele tikeleı baılanys arqyly talqylanyp otyrǵanyna baılanysty partııanyń Saıası keńesiniń múshesi, «Egemen Qazaqstan» respýblıkalyq gazeti» aksıonerlik qoǵamynyń prezıdenti Saýytbek Abdrahmanov oblystaǵy ókilderge «Nur Otannyń» jumysyn bas basylymnyń betinde júıeli jazýǵa, keńinen kórsetýge qatysty óz usynystaryn aıtyp, ortaq iske belsene atsalysýǵa shaqyrdy. Májilisti qorytyndylaǵan Partııalyq baqylaý komıtetiniń tóraǵasy Qýanysh Sultanov «Nur Otan» qatarynyń tazalyǵyn saqtaý, partııa bedelin bıiktete túsý jónindegi óz oılarymen bólisti. «Egemen-aqparat».