Jambyl oblysynda sıfrlandyrý jumystary josparǵa sáıkes júrgizilip jatyr. Jumys baǵyty negizinen «Sıfrlandyrý, ǵylym jáne ınnovasııalar esebinen tehnologııalyq serpilis» ulttyq jobasy aıasynda iske asyrylýda. Osy jyly «IQALA» modýli arqyly da birqatar salanyń servısterin avtomattandyrý isi jalǵasyn tappaq.
«Qala turǵyndary men bıznes ókilderi úshin turǵyn úı-kommýnaldyq sharýashylyq uıymdarynyń qyzmetterin alýdy jeńildetý kerek. Sol úshin de Taraz qalasynyń tabıǵı monopolııalar sýbektileri qyzmetteri men servısterin avtomattandyrý mańyzdy bolyp otyr», deıdi oblystyq sıfrlandyrý basqarmasynyń basshysy Rýslan Noqrabekov máseleniń mánisine úńilip.
Onyń aıtýynsha, ulttyq jobany iske asyrý úshin de tabıǵı monopolııalar sýbektileri usynatyn qyzmetterdi avtomattandyrýdyń mańyzy zor. Joba aıasynda «Turǵyn úı – kommýnaldyq sektor» modýlin engizý arqyly geoportal alańynda iske asyrý múmkindigi qarastyrylýda. Jobany iske asyrýdyń birinshi kezeńinde, ıaǵnı 2022 jyly Taraz qalasy boıynsha 13 qyzmetti avtomattandyrý josparlanǵan.
«Atqarylatyn jumystar naqty maqsattarǵa negizdelgen. TMS qyzmetkerleriniń avtomattandyrylǵan jumys oryndary halyqqa qolaıly jaǵdaı týǵyzýy kerek. Sonymen qatar Taraz qalasynyń tabıǵı monopolııalar sýbektileriniń qalalyq qyzmetter kórsetý salasyndaǵy sybaılas jemqorlyqtyń táýekelderin boldyrmaýǵa jumys isteımiz. Sondaı-aq Taraz qalasynda IT-mamandar úshin birqatar jańa turaqty jumys orny qurylady», deıdi R.Noqrabekov.
Basqarma basshysynyń sózine súıensek, qyzmetter avtomattandyrylǵan jaǵdaıda halyqtyń da jumysy jeńildeıdi.
«Servıs 13 kommýnaldyq (qalalyq) qyzmet boıynsha belgili bir ýaqyt ishinde bir jerde keńes alýǵa jáne ótinim berýge, birneshe uıymnyń bólimshelerine barmaı-aq qyzmetter kórsetýge ótinim jasaýǵa jáne servıs arqyly úıden shyqpaı shart jasasýǵa, kiris ótinimderi men usynylǵan jaýaptardyń óńdelýine monıtorıng jáne taldaý júrgizýge múmkindik beredi.
Osylaısha qyzmetter kórsetý sapasyn jaqsartady. Jumys josparǵa sáıkes atqarylǵan kezde: jeke tulǵalar úshin turmystyq tutynýshyny jylý energııasymen jabdyqtaý boıynsha qyzmet kórsetýge, kóppáterli turǵyn úı keshenindegi páterge shart jasasý; jeke tulǵalar úshin turmystyq tutynýshyny jylý energııasymen jabdyqtaý boıynsha qyzmet kórsetýge, jeke qaıtalama obektige shart jasasý; jańa nysanǵa jylý energııasymen jabdyqtaý boıynsha qyzmetter kórsetýge arnalǵan shartqa qosymsha kelisim jasasý; júktemeni arttyrý/azaıtý úshin jylý energııasymen jabdyqtaý boıynsha qyzmetter kórsetý shartyna qosymsha kelisim jasasý, zańdy tulǵalar úshin sýmen jabdyqtaý jáne/nemese sý burý qyzmetterin kórsetýge shart jasasý; avtonomdy jylytýǵa tehnıkalyq sharttar berý; jeke tulǵalar úshin qatty-turmystyq qaldyqtardy (QTQ) shyǵarý boıynsha qyzmet kórsetýge shart jasasý; zańdy tulǵalar úshin qatty-turmystyq qaldyqtardy (QTQ) shyǵarý boıynsha qyzmet kórsetýge shart jasasý sekildi máseleler ózdiginen sheshimin tabatyn bolady», deıdi basqarma basshysy.
Birshama ýaqyt buryn Memleket basshysy Qasym-Jomart Toqaev 2025 jylǵa deıin elimiz boıynsha 100 myńnan astam IT-mamandaryn qurý qajettigin atap ótken bolatyn. О́ńirde bul baǵytta da aýqymdy jumystar atqarylyp jatyr. Nátıjesinde, ótken jyly on turaqty jumys orny qurylsa, 2022 jyly sıfrlandyrý salasynda 35 jańa jumys orny ashylady degen jospar bar.
«Sıfrlandyrý salasynda qolǵa alynǵan jumystardy der kezinde iske asyrýdyń mańyzy zor. О́ıtkeni búginde servısterdi avtomattandyrý arqyly kóptegen jumys jedel túrde iske asady. Sol baǵyttaǵy jumysymyzdy jandandyra túsemiz», deıdi R.Noqrabekov.
Jambyl oblysy