Búgin elimizdiń bilim oshaqtarynda jańa oqý jyly bastaldy, dep habarlaıdy Egemen.kz.
Dástúrge saı 1 qyrkúıek elimizde alǵashqy qońyraý saltanatty sharasy ótedi. Jańa 2022-2023 oqý jylynda elimizde 3,6 mln oqýshy mektepke barady.
Balalardy 1-synypqa qabyldaý naýqany kezinde ata-analardan 400 myń ótinish túsken. О́tinish berýshilerdiń 70%-dan astamy qazaq tilinde oqýdy tańdaǵan.
Qazirgi tańda Qazaqstan boıynsha 280 myńdaı balaǵa oryn jetpeıdi. 2025 jylǵa qaraı bul san 1 mln orynǵa jetýi múmkin. «1000 mektep» jobasynyń aıasynda byltyr 270 mektep salynsa, bıyl 225 mektepti qoldanysqa berý kózdelgen.
192 kún demalys, 173 kún sabaq. Bıylǵy oqý jylynyń basty jańalyǵy 5 kúndik oqý aptasy bolyp otyr.
Sondaı-aq bıyl elimizde oqý jylynyń bastalýyna qaraı 80-ge jýyq jańa mektep ashylady. Jyl sońyna deıin barlyǵy 230-dan astam mektepti paıdalanýǵa berý josparlanyp otyr. Bul týraly Oqý-aǵartý mınıstrliginiń baspasóz qyzmeti habarlady.