Bıyl Almaty oblysynda úsh baǵyttaǵy joldyń qurylysy tolyq aıaqtalyp, paıdalanýǵa beriledi. Atap aıtqanda, Kúrti –Býrylbaıtal, Kúrti – Qonaev jáne Shamalǵan stansasynyń aınalma joly el ıgiligine jaraıdy.
Búginde Kúrti–Býrylbaıtal aralyǵyndaǵy 143 shaqyrym joldyń qurylys jumystary aıaqtalýǵa jaqyn qalǵan. Tolyq aıaqtalýy jyl sońyna deıin jalǵasqanymen, qazirdiń ózinde kólik qozǵalysyn iske qosýǵa múmkindik týyp otyr. Al budan bólek, Kúrti aýyly men Qonaev qalasynyń arasyn jalǵaıtyn 67 shaqyrym jolǵa da kúrdeli jóndeý jasalýda. Jaqynda bul baǵyttaǵy kúre joldyń bir baǵyttaǵy qozǵalysy iske qosylmaq. Sondaı-aq qazir uzyndyǵy 6 shaqyrymǵa sozylyp jatqan Shamalǵan stansasynyń aınalma jolyndaǵy qurylys-montajdaý jumysy tııanaqtalýda. Almaty qalasynyń mańyndaǵy aınalma joldyń qyzmetin atqaratyn torap megapolıstegi kólik aǵynyn azaıtyp, oblys halqynyń qalaǵa qatynaýyn da jeńildetedi degen úmit bar.
Jalpy, bıyl óńirdegi jol jóndeý jumystaryn tııanaqty júrgizgender qatarynda Jambyl aýdanyn ataýǵa bolady. Sonyń nátıjesinde, aýmaqtaǵy avtomobıl joldarynyń jaqsy jáne qanaǵattanarlyq jaǵdaıdaǵy úlesi 58,3 paıyzǵa jetip otyr. Negizinen aýdan aýmaǵynda 24 aýyldyq okrýg, 61 eldi meken bar. О́ńir boıynsha avtomobıl joldarynyń jalpy uzyndyǵy 1919,2 shaqyrymdy quraıdy. Onyń ishinde respýblıkalyq mańyzy bar avtomobıl joldarynyń uzyndyǵy – 331 km, oblystyq mańyzy bar – 594,3 km, aýdandyq mańyzy bar – 79,0 km jáne aýylishilik avtomobıl joldarynyń uzyndyǵy 914,9 shaqyrymdy qamtıdy. Bıyl aýdandaǵy eldi mekenderdiń joldaryn jóndeýge jáne kútip ustaýǵa 1 023 mln teńge qarjy bólingen. Osy qarajatqa 15 eldi mekenniń uzyndyǵy 56,3 shaqyrym quraıtyn 47 kósheniń avtomobıl joldaryna jóndeý jumystaryn júrgizý josparlanǵan. Qutty qarjy dittegen jerine jetip, júıeli túrde ıgerilýde. Onyń bir dáleli, bıyl Uzynaǵash aýylyndaǵy 5 kóshe men Sarybaı bı aýylynyń 2 kóshesi, Qaraqystaq aýylynyń 1 kóshesi, Qazybek bı aýylynyń uzyndyǵy
5250 m quraıtyn 4 kóshesi, Qasymbek aýylynyń úzyndyǵy 4950 m quraıtyn 5 kóshesi, Kókdala aýylynyń 3 kóshesi tolyǵymen jóndeýden ótti.
– Bıyl aýdandaǵy Akterek aýylynyń uzyndyǵy 4 420 m quraıtyn Esdáýlet, Qarash batyr, Ryskeldi, Baımen syndy 4 kóshesine, sondaı-aq Shıen aýylynyń 3 kóshesine ortasha jóndeý jumystaryn júrgizý josparlanǵan bolsa, qazirdiń ózinde ol údeden shyqtyq. Aldaǵy tańda qajetti qarajat bólingen jaǵdaıda Mátibulaq aýylynyń 2 kóshesi, Degeres aýylynyń 3 kóshesi, Úmbetáli aýylynyń 2 kóshesi, Qarǵaly aýylynyń 4 kóshesi, Bozoı aýylynyń 3 kóshesi, Jambyl aýylynyń 4 kóshesi, Qaraarsha aýylynyń 1 kóshesi, Besmoınaq aýylynyń 1 kóshesi, Uzynaǵash aýylynyń 6 kóshesi jóndeýmen qamtylady. Degenmen bólingen qarajat jóndeý jumystaryn aıaqtaý úshin jetkiliksiz. Osyǵan baılanysty atalǵan nysandar boıynsha jumystaryn aıaqtaý maqsatynda Almaty oblysynyń jolaýshy kóligi jáne avtomobıl joldary basqarmasyna 1 167,6 mln teńgege bıýdjetke ótinim berilgen. Jalpy, jyldyń sońyna deıin aýdan boıynsha jaqsy jáne qanaǵattanarlyq jol úlesi qajetti qarjy bólingen jaǵdaıda 64,4 paıyz bolady dep kútilýde, – deıdi Jambyl aýdanynyń ákimi Nurlan Ertas.
Almaty oblysy