Taraz – qolónershiler shahary

Qala qolónershileriniń týyn­dy­lary jahandyq deńgeıde mo­ıyn­­dalýyna oraı Tarazda «Taraz – qol­ónershiler qalasy» atty halyq­ara­lyq kórme uıymdastyryldy. «Kó­ne Taraz» etnomádenı kesheninde ót­kizilgen halyqaralyq kórmede árisi Nıderland, Úndistan, Túrkııa, be­risi О́zbekstan, Tájikstan, Reseı, Qyr­ǵyz Respýblıkasynan kelgen qol­óner sheberleri ózderiniń úzdik bu­ıymdaryn usynyp, jergilikti jurt­shylyqtyń qyzyǵýshylyǵyn tý­dyrdy. Is-sharaǵa kelgen taraz­dyq­­tar alys-shaqyn shet memle­ket­ter­den kelgen mártebeli meı­man­­dar­dyń buıymdaryn tamashalap qa­na qoımaı, satyp alyp ta jatty. Bul shyn ónerge kórsetilgen qurmet edi.

«Taraz 2000 jyldan astam tarıhy bar baıyrǵy shahar ekeni barshaǵa málim. Tarıhynyń tamyry myńjyldyqtarmen astas­qan kóne qala búginde ýaqyt aǵy­myna saı totydaı túrlenip, órke­nıet kóshi­ne ilesip keledi. Biz ózde­rińizben osyn­daı mereıli sátte qaýysh­qa­­ny­myzǵa bek qýanyshtymyz. Oblys ortalyǵynyń dúnıejúzilik qol­óner­shiler qalasy tizimine enýi – biz úshin zor mártebe. Barlyq­taryńyzǵa abyroı, tabys tileı­min», dedi óńir basshysy Nurjan Nurjigitov is-sharaǵa kelgen már­tebeli meımandarmen kezdesý barysynda.

Jahandyq deńgeıde tanylǵan sheberlerdiń buıymdary men sán­dik oramaldary, basqa da tamasha týyndylary kimdi de bolsyn qyzyqtyrmaı qoımasy anyq. Aıta­lyq, qyzǵaldaqtar eli atanyp ketken Nıderlandtan kelgen qolóner sheberleri usynǵan erler jáne áıelder sómkesi 130 myń teńgege saýdalansa, túrkistandyq Dáýren Minsharıpovtiń jasaǵan qobyzy­nyń quny 450 myń teńge eken. Al kórmege qoıylǵan taýarlardyń eń qym­batynyń quny 650 myń teń­gege deıin jetedi. Álbette, munda qo­ıylǵan shaǵyn buıymdardyń bir­qatarynyń baǵasy qoljetimdi eke­nin de aıta ketken jón.

Sándi buıymdarǵa qyzyǵa qara­ǵan keıbir azamattar qymbat zattardy oılanbaı satyp alyp jatty. Bul, bálkim, qolóner sheberleri eńbeginiń halyq tarapynan baǵa­lanǵany shyǵar. Kerek derekterge zer salsaq, dúnıejúzilik qol­óner­shiler keńesi 1964 jyly Belgııa elin­de resmı túrde tir­kel­gen kóri­nedi. 60 jylǵa jete­ǵabyl ýaqyt­ta halyqaralyq uıym álem­­niń 59 qalasyn qol­óner­shiler sha­hary retinde moıyndasa, Taraz qa­lasy bul tizimge alpysynshy bolyp enip otyrǵan jaıy bar. 

«Tarazymyzdy endi álem biletin Áýlıeata desek te bolady. Jahan­dyq keńestiń kóne qalamyzdy tizimge qosýy – biz úshin zor maqtanysh. Kórshiles О́zbekstan elinen tórt, Qyrǵyz Respýblıkasynan bir qala keńes quramyna ense, Qazaqstan tarapynan kıe daryp, qut qonǵan Tarazdyń sol qatarǵa qosylǵany qýantady», deıdi kórme týraly pikirimen bólisken oblys ákiminiń orynbasary Qanatbek Mádibek.

Is-sharaǵa arnaıy at basyn bur­­ǵan Mádenıet jáne sport mı­nıstrligi Týrızm jáne ındýs­trııa komıtetiniń tóraǵasy Dastan Ryspekov Taraz­dyń dúnıejúzilik keńes tarapy­nan mo­ıyndalýyn el úshin tolaıym ­tabys dep esepteıdi. «Kóne Tarazdy dúnıejúzilik qolóner sheberleri qalasy atanýymen quttyqtaımyn. Túsine bilgenge bul tolaıym tabys, zor jetistik. Endi tarazdyq qol­óner sheberleri halyqaralyq deńgeı­degi maıtalman mamandarmen tájirıbe almasý múmkindigine ıe bolady. Sol turǵydan alyp qaraǵanda bul eli­miz úshin de zor maqtanysh», deıdi ol.

TARAZ