О́zekti máseleler boıynsha ózara pikir almasyldy

Qazaqstan Respýblıkasy Parlamenti Májilisiniń Tóraǵasy Qabıbolla Jaqypov VII Astana ekonomıkalyq forýmyna kelgen Lıvan Parlamentindegi «Mýstakbal» basshylyq blogynyń jetekshisi, eks-premer-mınıstr Fýad as-Sınıoramen kezdesti, dep habarlady Májilistiń baspasóz qyzmeti. Olar Qazaqstan-Lıvan máseleleri boıynsha jáne parlamenttik, ynty­maqtastyq jaıynda ekijaqty pikir almasyp, kún tártibinde turǵan ózekti máselelerge de nazar aýdardy. Qabıbolla Jaqypov álem búgingi eko­nomıkalyq jáne qarjylyq daǵda­rys jaǵdaıynda aldymen kelisim men ujymshyldyq jáne jan-jaqtylyqqa kóńil aýdaryp otyrǵanyna toqtaldy. – Osy jaǵynan alyp qaraǵanda, Qazaqstan Prezıdenti Nursultan Nazar­baevtyń G-Global ıdeıasy óziniń álemge qajettiligin taǵy bir márte dálel­dep otyr, – dep atap ótti Májilis Tóraǵasy. О́z kezeginde Fýad as-Sınıora Qazaq­stanmen yntymaqtastyq kókjıegin keńeıtýdiń Lıvan úshin mańyzyna toqtalyp, bizdiń eldiń barlyq baǵytta qarqyndy damyp otyrǵanyn atap ótti. – Bul órkendeýde 2050 jylǵa deıingi Qazaqstannyń damý strategııasyn naqtylap qoıǵan sizderdiń Prezıdenttiń eńbegi zor, – dedi lı­van­dyq parlamentshi. Taraptar Qazaqstan men Lıvan óz aımaqtarynda turaqtylyq pen senim jaǵdaıynda belsendi jaqtastar ekenin qýattady. – Qazaqstan Taıaý Shyǵystaǵy turaq­tylyq pen beıbitshilikke óte múddeli, – dedi Qabıbolla Jaqypov osy oraıda. Eki jaqqa paıdaly Qazaqstan-Lıvan yntymaqtastyǵyn keńeıtý, ekonomıkalyq baılanysty óristetip, quqyqtyq-sharttyq bazany damytý, bank salasyndaǵy tájirıbemen bólisý turǵysynda pikir almasyldy. Qabıbolla Jaqypov pen Fýad as-Sınıora parlamentaralyq baılanys­tardy nyǵaıtý jaıynda óz pikirlerin bildirdi. Taraptardyń oıynsha, par­lamentterdiń salalyq komıtetteriniń turaqty baılanysy osy jolda kóp úles qosatyn bolady.