Halyqaralyq «KADEX-2014» qarý-jaraq jáne áskerı-tehnıkalyq múlik kórmesiniń aıasynda QR Premer-Mınıstriniń birinshi orynbasary Baqytjan Saǵyntaev RF Úkimeti Tóraǵasynyń orynbasary Dmıtrıı Rogozınmen kezdesti, dep habarlady Premer-Mınıstrdiń baspasóz qyzmeti.
Kezdesý barysynda áskerı-tehnıkalyq, ǵaryshtyq jáne áleýmettik salalardaǵy ekijaqty yntymaqtastyq máseleleri jóninde áńgime órbidi.
Vıse-premerler Qazaqstan synaq polıgondaryn paıdalaný jáne «Baıqońyr» keshenin birlesip paıdalaný jónindegi «Jol kartasyn» iske asyrý, sondaı-aq, Baıqońyr qalasyn, Aqaı jáne Tóretam eldi mekenderin damytý máselelerin talqylady.
Kezdesý qorytyndysy boıynsha taraptar ózara áriptestiktiń barlyq baǵyttary boıynsha yntymaqtastyqty ári qaraı tereńdetý qajettiligin atap kórsetti.