«Jas óren» jeńimpazdary

Qazaqstan Respýblıkasy Prezı­dentiniń janyndaǵy Áıelder isteri jáne otbasy­lyq-demografııalyq saıa­sat jónindegi ulttyq ko­mıs­sııa­nyń qoldaýymen uıym­das­tyrylǵan konkýrs 2022 jyl­dyń 15 shildesi men 15 qazany aralyǵynda ótti. Baı­qaýǵa bar­lyǵy 204 óti­nim usy­nylyp, onyń 133-i poe­zııa, 71-i án ata­ly­mynda báı­gege tústi.

Prezıdent jarııalaǵan bıyl­ǵy Bala­lar jylynda ót­kizilip otyrǵan aıtýly jo­ba­nyń balalarǵa arnal­ǵan otan­­dyq shyǵarmalardy dárip­teý, bala­lar ánderi men óleń­deriniń repertýaryn tolyq­tyrýda máni zor. Sondaı-aq elimizdegi balalar kompozıtorlary men aqyndardyń shy­ǵarmalaryn balabaqshalar men mektepterge, bala­lardyń mýzyka mekemelerine nası­hat­taýda hám shalǵaıdaǵy aýyl­dyq kitapha­nalarǵa deıin qol­­je­timdi qylý arqyly rý­ha­nı-adamgershilik qun­dylyq­­tar­dy arttyrýda da mańyzy aıryq­sha. Bul ret­te, Otanǵa qyz­met etý, el men jerge degen jo­­ǵa­ry patrıottyq sezimdi qa­lyp­tastyratyn óner týyn­dylaryn shyǵarý jáne osy ar­qyly ulttyq rýha­nııat­qa úles qosqysy kele­tin otandyq avtorlardy qoldaýdyń qundy­lyǵy erek.

Aqtoty Raıymqulova, Aman­­­jol Áltaı, Maıra Ilııa­­sova, Serikzat Dúısen­ǵa­zın, Qanat Aıtbaev bas­ta­ǵan óner ıeleriniń qazy­lyq etýi­men baıqaýdyń bas júldesi Qur­manǵazy atyn­daǵy Almaty Mem­lekettik konservatorııasy hor dırı­jerleý bóliminiń túlegi, kompozıtor Elmıra Deh­ganıdiń qan­jyǵasyna baılandy. «Balalarǵa ar­nalǵan án» atalymy boıynsha I oryn­dy kompozıtor, dırı­jer, mýzykatanýshy Áli­bı Ábdinurov (Astana), II oryn­dy kompozı­tor, óńdeý­shi Samat Ryspanbe­tov (Al­maty) pen «Baqjul­dyz» me­dıa orta­lyǵynyń vokal bóliminiń ustazy Bek­jan Qaıratuly (Taldyqorǵan), III oryndy Mádenıet qaı­ratkeri, aqyn, sazger, prodıýser Baýyrjan Esebaev (Almaty oblysy) pen Qazaq ulttyq óner ýnıversıteti mektebiniń 9-synyp oqý­shysy Nurıslam Dospaı (Astana qalasy) ózara bó­listi. Al «Balalar poe­­zııa­sy» atalymyndaǵy I oryndy «Ha­bar24» arna­sy baǵdarlamalar bóli­mi­niń aǵa redaktory Jady­ra Baıbulanova (Astana qa­la­­sy), II oryndy respýb­lı­kalyq «Munara» gazetiniń bas redaktory Serikbol Ha­sa­nov (Astana qalasy) pen Qazaq­stan Ja­zýshylar oda­ǵynyń múshesi Dostyq Tileýbergenov (Qyzylorda ob­lysy), III oryn­dy aqyn, jazýshy, dramatýrg Baıan­ǵalı Álimjanov (Aqmo­la oblysy) pen aqyn, jýrnalıst Názıra Berdaly (Asta­na qa­lasy) ıelendi. Sonymen qatar Olga Kap­lýn, Aı­sulý Tanı, Qurmet Sa­qaı, Al­pys­baı Honj, Qýat Ahe­tov, Saǵynysh Na­maz­shamo­va baıqaýdyń dıplomanty atandy.

«Jas óren» respýblı­kalyq baıqa­ýynyń laýreattary men dıplomantta­ryn marapattaý rásimi elimizdiń Táýel­sizdik kúnine arnal­ǵan merekelik Gala-kon­sertte óte­di dep josparlanǵan. Atal­ǵan shara barysynda jınal­ǵan jurt­shylyq kon­kýrs laýreattary men dıp­­lo­manttary­nyń shyǵar­malarymen tanysa alady.