ASTANA. 24 mamyr. Búgin Belarýs astanasy – Mınsk qalasynda ótip jatqan álem chempıonatynyń jartylaı fınaldyq oıyndary oınalyp, fınalǵa shyqqan eki komanda anyqtaldy. Bul týraly Chempıonat.Rý habarlady.
Kúndiz oınalǵan matchta Reseı Shvesııa quramasyn 3:1 etip utty. Oıynda shved oıynshylary birinshi bolyp esep ashty. Reseılikter qaqpasyna olar birinshi kezeńniń 19-sekýndynda shaıba túsirdi. Ony Oskar Mıoller óz esebine jazdy. Alaıda, kezeń sońyna deıin orystar esepti teńestirip qana qoımaı, alǵa shyǵyp ketti. Áýeli Sergeı Plotnıkov shvedter qaqpashysynyń qateligin paıdalana bilse, keıin Sergeı Shırokov qorǵaýshynyń tasasynda turyp urdy. Ekinshi kezeńde Anton Belov esepti eseledi.
Sosyn Fınlıandııa quramasy Chehııa komandasyn 3:0 etip utty. Sýomı oıynshylary ár kezeńde bir shaıbadan saldy. Olar 9-mınýtta esep ashty (Iorı Lehter). Ekinshi kezeńniń ortasynda olar esepti ulǵaıtty (Iаrkko Immonen). Al úshinshi kezeńde Lehter dýbl jasady.
Damır Qojamqul.
Derekkóz: Chempıonat.Rý.
Foto: Chempıon.Rý.