Parıjdegi qazaq kınosy

Fransııalyq kórermen 27-30 qazan aralyǵynda Lincoln kınoteatrynan «Paralımpıadashy» sporttyq dra­masyn, «Uly dala tańy» tarıhı blok­basterin, «Sońǵy seans», «Ot», «Zoıanyń oralýy», «Tarlan» (Qazaq­stan men Tatarstannyń birlesip shyǵar­ǵan fılmi) kartınalaryn tamasha­lap, qazaq kıno óneriniń búgingi aıaq­aly­syna baǵa berdi. Sondaı-aq Fran­sııa, Belgııa, Qazaqstan, Ýkraına jáne bas­qa da el­derdiń kınemato­gra­fıs­teri bir­lesip shyǵarǵan «Infınıtı» joba­synyń eksklıýzıvti kórseti­limi men «Qyzǵaldaq» fılminiń retrospek­tıvti kórsetilimine kózaıym boldy.

Festıvaldyń saltanatty ashylýy­na otandyq fılmderdiń avtorlary, olardyń fransııalyq áriptesteri, Fran­sııa­­daǵy Qazaqstan elshiligi men kıno orta­lyǵynyń ókilderi, jýrnalıster qatysty. Atap aıtsaq, is-sharaǵa qatys­ý­­shylar men qonaqtar qatarynda aktrısa Samal Eslıamova, rejısserler – Dárejan О́mir­baev, Sergeı Dvorsevoı, Aldııar Baı­rakımov, Aıjan Qasymbek, pro­dıý­ser­ler – Dıana Áshimova men Laýra Erǵa­lıeva jáne taǵy da basqa kıno mamandary bar.

Ulttyq kınony qoldaý ortalyǵy basqarma tóraǵasynyń orynbasary Baýyrjan Shókenov bastaǵan Kıno orta­lyǵy delegasııasynyń iskerlik baǵ­darlamasy aýqymdy boldy. Aldyn ala da­ıyndalǵan jospar boıynsha kıno ókil­deri Fransııanyń kınoteatr jeli­leriniń basshylyǵymen kezdesý, fransýz kıno bıznesi ókilderiniń isker­lik alańynyń jumysyna qatysý, birlesip shyǵarýǵa arnalǵan jobalardy usyný jáne CNC (Fransııanyń ulttyq kınematografııa jáne anımasııa orta­lyǵy) men UniFrance (Fransýz kıno­syn búkil álemde nasıhattaýǵa ja­ýap­ty uıym) ókilderimen kelissózder júr­­gizý syndy birqatar mańyzdy is­ker­­­lik sharany da tabysty júzege asyrdy.

Mádenıet jáne sport mınıstrliginiń qoldaýymen Ulttyq kınony qoldaý memlekettik ortalyǵy uıymdastyr­ǵan Parıjdegi Qazaqstan kınosynyń kún­derin ótkizýge Fransııadaǵy Qazaq­stan Respýblıkasynyń elshiligi tike­leı muryndyq boldy. Sondaı-aq Andre Rafael Ivanov basqaratyn Qazaq­standyq kınonyń fransýzdyq qaýym­dastyǵynyń da sińirgen eńbegi zor.

Budan bólek, aıryqsha atap óterlik taǵy bir qýanyshty jańalyq – bıyl Qazaqstan men Fransııa arasyn­da­ǵy dıplomatııalyq qatynastardyń orna­­ǵanyna 30 jyl tolýyna oraı­las­ty­ryl­ǵan qazaq kınosynyń dúnıejúzilik dýmany óz shekarasyn keńeıtti. Ulttyq kıno festıvali endi Parıj, Strasbýrg, Brıýssel, Lıýk­sembýrg, Jeneva qala­larynda ótkiziletin bolady.