ASTANA. 20 maýsym. 2014 jyldyń 20 maýsymy kúni Astana ýaqyty boıynsha túngi saǵat 01:11-de Orynbor oblysyndaǵy (Reseı) «Iаsnyı» ushyrý bazasynan KazEOSat-2 ushyryldy. Ol jerdi qashyqtyqtan baqylaıtyn qazaqstandyq ekinshi spýtnık. Bul týraly «24kz» habarlady.
KazEOSat-2 jerdi 6,5 metr bolatyn 5 mýltıspektraldy kanaldardan baqylaýǵa múmkindik bermek. Ol elimizdiń aýmaqtarynan túsirilimder alýǵa, tabıǵı apattardy kúni buryn boljaýǵa, jer kadastryn júrgizýge jáne elimizdiń qorǵanysy men qaýipsizdigin qamtamasyz etýge baǵyttalǵan.
Ulttyq ǵarysh agenttiginiń tóraǵasy Talǵat Musabaev bastaǵan qazaqstandyq delegasııa apparattyń ushyrylý barysyn jaqynnan baqylady.
Talǵat Musabaev: «KazEOSat-2 jerserigin ushyrý arqyly bizdiń el jerdi qashyqtyqtan zondtaýdyń tolyqqandy ǵarysh júıesine qol jetkizdi jáne zamanaýı ǵarysh tehnologııalaryna ıe memlekettermen boı túzedi, sonymen qatar, Qazaqstannyń ǵarysh salasynda jasalǵan serpindi qadam boldy»,– dedi.
KazEOSat-2 «Dnepr» zymyran-tasyǵyshymen ushyryldy.
Joldybaı Bazar.
Derekkóz: «24kz».
Foto: «QazAqparat».