Qazaqstan Respýblıkasy Ýkraınadaǵy daǵdarysty saıası retteý boıynsha Qytaı Halyq Respýblıkasynyń ustanymyn quptaı otyryp, Birikken Ulttar Uıymynyń qaǵıdattary negizinde memlekettiń aýmaqtyq tutastyǵy, táýelsizdigi jáne egemendigi negizinde qantógisti toqtatýǵa kómektesý retinde qoldaýǵa laıyq ekenin bildiredi, dep habarlaıdy Egemen.kz SIM baspasóz qyzmetine silteme jasap.
«Biz bul máseleni tek halyqaralyq quqyq pen BUU qaǵıdattary negizinde beıbit jolmen sheshýge balama joq dep sanaımyz. Biz áskerı qaqtyǵysqa qatysýshy taraptardyń izgi nıet tanytýyn, urys-qaqtyǵysty toqtatyp, kelissóz ústeline otyrýyn, al álemdik qoǵamdastyqtyń jaǵdaıdy barynsha dıplomatııalyq jolmen sheshýge úles qosýyn jaqtaımyz», delingen málimdemede.
Sonymen qatar Qazaqstan Qytaı Halyq Respýblıkasynyń Jahandyq qaýipsizdik bastamasynyń tujyrymdamasynda aıqyndalǵan memleketterdiń ózekti máselelerin sheshý týraly atap ótti.
Buǵan deıin Qytaı Ýkraınadaǵy ahýalǵa qatysty óz ustanymyn jarııalaǵan edi.