Partııa qatary tolyqty

Keshe Qazaqstannyń Tuńǵysh Pre­zıdenti mura­jaıynda, elorda kúnine oraı, «Nur Otan» partııasy qa­taryna qa­byl­daýdyń dás­túrge aınalǵan saltanatty rásimi ótti. «Nur Otan» par­­tııasy Tóraǵasynyń bi­rinshi orynbasary Baýyr­­jan Baıbek partııa qura­myna kirgen 11 azamatqa ja­ńa úlgidegi partııalyq bı­letterdi tabys etti. Saltanatty shara barysynda ol «Nur Otannyń» qataryna qosylǵan azamattardy quttyqtap, partııaǵa ótý oılanbastan, aıaqasty jasalatyn qadam emes, adamnyń azamattyq ustanymyn kórsetetin, salmaqty ári aqylmen tarazylanǵan sheshimniń nátıjesi degen oıyn jetkizdi. «Búgingi shara partııanyń Elbasy Nursultan Nazarbaevtyń jetekshiligimen baǵyndyrǵan asýlary men evolıýsııalyq damý bıigin beıneleıtin 15 jyldyq mereıtoıymen tuspa-tus kelýimen jáne Astana kúni merekesiniń qarsańynda ótkizilýimen erekshe. Partııa lıderi barlyq nurotandyqtardy saıası kóshbasshylyqty kúndelikti iste dáleldep, qoǵam ómiriniń barlyq baǵyttarynda aldyńǵy orynda bolýymyzdy mindettegenin bilesizder. Sizder de osy senimniń údesinen tolyqtaı shyǵady degen úmittemin», – dedi B. Baıbek. Bul kúni partııaǵa belgili sáý­letshi, el Eltańbasynyń avtory Jandarbek Málibekuly, Qazaq­stan Prezıdenti júldesi úshin «Qazaqstan barysy» týrnıriniń 2013 jylǵy jeńim­pazy Aıbek Nuǵymarov, birqa­tar respýblıkalyq aıtystardyń jeńimpazy Birjan Baıtýov, Pavlodar oblysy QHA jastar birlestigi úılestirý keńesiniń tóraıymy Elına Paýlı, «Petropavl qurylys materıaldary zaýyty» JShS satý jáne ishki ekonomıkalyq baılanystar jónindegi dırektory Andreı Tıtov, «Eýrazııa» birinshi arnasyndaǵy saraptamalyq baǵdarlamanyń jetekshisi Alek­sandr Trýhachev, «ARBA» tirek-qımyl appara­­tynyń fýnsııasy buzylǵan múge­dek azamattardy qoldaý qoǵamy» qoǵam­dyq birlestiginiń tóraıymy Gúlmı­ra Batpaqulova, Qazaqstan Prezı­denti Is basqarmasyna qarasty «Oqjet­pes» emdeý-saýyqtyrý keshe­ni» medısı­nalyq ortalyǵy» AQ prezı­denti Tal­ǵat Tuńǵysh­baev, Talǵar aýda­nyn­daǵy «Nur» balalar úıiniń dırekto­ry Tuıaq Esqojına, «Qazaqstan KVN odaǵy» res­pýblıkalyq jastar qoǵamdyq bir­lestiginiń prezıdenti Esentúgel Eleý­ken, «Astana qalalyq jastar saıa­saty basqarmasy» MB jetek­­­­shisi Talǵat Rahmanberdi qosyldy. Kezdesýde sóz alǵan Jandarbek Málibekuly partııa qataryna qosylý ózi úshin óte mańyzdy sheshim bolǵa­nyna toqtaldy. «El­tańbanyń avtory retinde El­basynyń sonaý táýel­­sizdikke qol jetkizip, memleketti qurǵan sátindegi árbir bastaǵan ıgi isterine óz úlesimdi qosyp keldim dep oılaımyn. Aldaǵy ýaqytta Prezı­dent­tiń barlyq baǵyt-baǵdarlaryn qoldaý­shy retinde onyń eldi damytý isine áli de bolsa óz kómegimdi tıgiz­gim keledi», – dedi sóz oraıynda J.Málibekov. Al B.Baıtýov: «Qazaq eli ekonomıkasy, saıasaty, mádenıeti ja­ǵynan da damýdyń jańa be­lesterine jol tartty. Árıne, memleket damýy­nyń jańa satysyna kóteriler tus­ta jastarǵa artylar júk te aýyr bolmaq. Memleket basshysy óziniń halyqqa arnaǵan bıylǵy Joldaýynda máseleniń barlyǵyn jan-jaqty túsindire kelip, sońynda: «Jastar men munyń bárin senderge arnap aıtyp jatyrmyn», degen edi. Men sol kezde Elbasymyz bul sózdi maǵan da arnap aıtqandaı áserde boldym», deı kele, el úshin qyzmet etý – jastyń da, jasamystyń da paryzy sanalatynyn, demek, jastar jaǵy sózben de, ispen de qyzmet etýge tıis ekendigin atap ótti. «Jalpy, «Nur Otan» partııasynyń músheligine ótýimdi el úshin eńbek etýdiń bir joly dep túsinemin. Partııanyń múshesi bolý kókeıińdegi pikirdi joǵary jaqqa jetkizýdiń taptyrmas tetigi dep bilemin», – dedi óz oıyn túıindegen aıtysker aqyn. Saltanatty rásim aıasynda Aıbek Nuǵymarov ta sóz aldy. Ol óziniń partııa qataryna qosylýyn bylaısha túsindirdi: «Biz – sportshy bolǵandyqtan, qashan da óz elimizdiń patrıotymyz. Al patrıot adam óz memleketiniń mártebesin asqaqtatýda aıanyp qalmaıdy. Meni «Nur Otan» partııasy qataryna, mine, osyndaı sezim jetelep keldi. Boıynda namysy bar, júregi elim dep soqqan azamattardyń bar­lyǵy bul partııanyń múshesi bolýǵa laıyqty dep sanaımyn. Sondyq­tan, Qazaqstannyń týyn jelbiretip júrgen sportshy retinde partııa qataryna ótý jóninde sheshim qabyl­dadym, búgin, mine, qolyma partııa bıletin alyp otyrmyn», dedi ol. Qazirgi tańda bul partııanyń quramynda 875 myńǵa tarta azamat bar. Olardyń qatary kún sanap tolyǵa túsýde. Láıla EDILQYZY, «Egemen Qazaqstan».