Jetisý oblysynda áskerı mindettilerdiń sany shamamen 27 myń adam. Onyń 9 myńy áskerge shaqyrylsa, 18 myńy túrli sebeppen boryshyn óteýden bas tartqan. Al bıyl jyl basynan beri jalpy óńirden 165 azamat merzimdi áskerı qyzmetke kirisken. Qazir jas jaýyngerler daıyndyq ústinde.
Qarýly Kúshterdi jasaqtaý úshin qajetti mólsherde áskerge shaqyrýdy keıinge qaldyrýǵa nemese bosatýǵa quqyǵy joq 18 jastan 27 jasqa deıingi azamattar merzimdi áskerı boryshyn óteýge mindetti. Osy oraıda óńirlik qorǵanys isteri jónindegi departament merzimdi áskerı qyzmetke 200-ge jýyq sarbazdy shaqyrǵan. Muny bizge oblystyq Qorǵanys isteri jónindegi departamenti personalmen jumys isteý jónindegi qyzmetiniń basshysy Maqsat Beıisov aıtyp berdi. Odan bólek merzimdi jáne kelisimshart boıynsha áskerı qyzmetke, sondaı-aq zapastaǵy ofıserlerge shaqyrý qalaı júrgizilip jatqanyn da baıandady.
«Memlekettik kúzet qyzmeti bólimsheleriniń shtattyq kestesi sáýir aıynyń sońyna josparlanǵan. Qazirgi ýaqytta osy jyldyń 20 mamyryn qosa alǵanda qabyldaý júrgizilip jatyr. Qala boıynsha 791 adam bar», deıdi M.Beıisov.
Onyń aıtýynsha, memlekettik kúzet qyzmeti bólimsheleriniń shtattyq kestesi sáýir aıynyń sońyna josparlanyp otyr. Qazirgi ýaqytta jınaqtaý osy jyldyń 20 mamyryna deıin júrgiziledi. Jetisý oblysyndaǵy 8 qalalyq jáne aýdandyq qorǵanys isteri jónindegi basqarmalarda josparly túrde áskerge qabyldaý úzilissiz ótip jatyr. Bıyl kóktemde áskerge shaqyrylatyndar sany 791 adam eken.
«Keıbir máseleler áskerge shaqyrý jumystarynyń sapasyna aıtarlyqtaı áser etedi. Máselen, azamattardyń áskerı qyzmetten jaltarýy nemese bas tartýy, sondaı-aq áskerı jastaǵy azamattardyń ishki kóshi-qony. Azamattardy áskerı qyzmetke shaqyrý nátıjeleri tek jergilikti áskerı basqarý organdarynyń ǵana emes, jergilikti atqarýshy, densaýlyq saqtaý jáne bilim berý, quqyq qorǵaý organdarynyń qatysý dárejesine, olardyń áskerı mindet pen áskerı qyzmet týraly zańnama talaptaryn oryndaýyna baılanysty», deıdi Taldyqorǵan qalasy QIJ basqarmasynyń memlekettik qyzmetter kórsetý bólimshesiniń serjanty, quqyqtyq jumystar jónindegi bólimshe bastyǵy Nursulý Musabaeva.
Kóktemgi áskerge shaqyrý naýqanynyń ereksheligi – jas býynmen jasaqtaý aýmaqtyq qaǵıdaty boıynsha ótkiziledi. Sondaı-aq ekinshi deńgeıli bankter tarapynan merzimdi áskerı qyzmetti óteý kezinde qaryzdar men nesıelerdi keıinge qaldyrý, nesıelik kanıkýldar alý úshin merzimdi áskerı qyzmetke shaqyrylǵandardyń ótinishteri qabyldanady.
Shaqyrylýshy nesıelik mindetterin týystaryna artpaı, Otan aldyndaǵy paryzyn óteı beredi. Merzimdi áskerı qyzmetin atqarǵandar UBT nátıjesi eskerilmeı, aqyly túrde joǵary oqý oryndaryna túse alady. Al qyzmet barysynda jaqsy nátıje kórsetken áskerı qyzmetshiler emtıhansyz jáne UBT-syz ýnıversıtet grantyna túsýge múmkindik alady. Sondaı-aq merzimdi áskerı qyzmetin ótegen barlyq áskerı qyzmetshilerge JOO-nyń áskerı kafedrasyna emtıhansyz grant negizinde túsý quqyǵy usynylady.
Taǵy bir atap ótetini, áskerı qyzmetke jaramdy, jıyrma toǵyz jasqa deıingi zapastaǵy ofıserler men otyz eki jasqa deıingi medısınalyq qyzmettiń zapastaǵy ofıserleri ýákiletti organdardyń ótinimderi boıynsha Úkimet qaýlysy negizinde beıbit ýaqytta ofıserler quramynyń laýazymdarynda áskerı qyzmetti óteý úshin áskerge shaqyrylady.
Jetisý oblysy