Qyzylorda oblysyndaǵy jeti aýdannyń ishinde kúrish ekpeıtin aımaq – Aral aýdany. Negizinen balyq, mal sharýashylyǵymen aınalysatyn Syrdarııanyń teńizge quıar tusyndaǵy óńir turǵyndary jer nesibesine keıingi jyldary ǵana bet buryp keledi. Bıyl munda 87 gektar kókónis, 342 gektarǵa baý-baqsha daqyldaryn egý mejelengen.
Qosjar aýyldyq okrýgindegi jeke kásipker Eltaı Tórehanov tamshylatyp sýarý ádisi arqyly 2 gektarǵa qııar, 1,5 gektar alqapqa qyzanaq, 14 gektarǵa qaýyn-qarbyz egipti. Qazir kúnine qııardan 150-200 kılo ónim alyp otyr. О́nim aýyldaǵy azyq-túlik dúkenderinde 200 teńgeden satylymǵa shyǵaryldy. Al ózge aımaqtardaǵy bazar sórelerine 350 teńgeden jiberiledi. Jaqyn arada qarbyz ben qyzanaq ta pisip, saýda sóresine túsedi.
Al Sekseýil kentinde Ahmetjan Bohanov 240 sharshy metrlik jylyjaı salyp, gollandııalyq qııardyń birneshe sortyn ósiredi. Memleket tarapynan qoldaý kórip, qaıtarymsyz grant alǵan kásipker jylyjaıdan bólek 7 gektarǵa qaýyn-qarbyz egipti.
Osylaısha, jergilikti kásipkerler men óńirdegi iri saýda oryndary men shaǵyn dúkenderge naryqtaǵy baǵadan edáýir arzan ónim jetkizip, baǵany turaqtandyrýǵa óz úlesin qosyp otyr.
Qyzylorda oblysy