Saıtymyzda jarııalanǵan «Júrgizýshi kýáligin saýdalaǵan top» atty maqalaǵa oraı «Azamattarǵa arnalǵan úkimet» memlekettik korporasııasy KEAQ-tyń baspasóz qyzmeti resmı jaýap joldady, dep habarlaıdy Egemen.kz.
- «Azamattarǵa arnalǵan úkimet» memlekettik korporasııasy» KEAQ-nyń qaýipsizdik qyzmeti tekserý is-sharalary barysynda júrgizýshi kýáligin zańsyz berý faktilerin anyqtady. 2023 jyldyń 14 qyrkúıeginde ishki qaýipsizdik qyzmetkerleri rastaıtyn qujattardy quqyq qorǵaý organdaryna tapsyrdy. Qazirgi ýaqytta qylmystyq is aıasynda aıǵaqtardy alý jáne tintý júrgizilip jatyr. О́zge málimetter tergeý amaldary aıasynda jarııa etilmeıtinin alǵa tartamyz. Aıta ketý kerek, Memlekettik korporasııa óz quzyreti sheginde qyzmetkerler arasyndaǵy quqyq buzýshylyqtardy boldyrmaý maqsatynda turaqty túrde qajetti sharalar qoldanady, - delingen jaýapta.
Eske sala keteıik, buǵan deıin Jambyl oblysynyń Polısııa departamenti júrgizýshi kýáligin saýdalaǵan qylmystyq top múshelerin qamaýǵa alǵan edi. Atalǵan top quramynda laýazymdy qyzmetkerler de bolǵan.