Zeınetaqy jınaǵyndaǵy ınvestısııalyq tabys

2024 jyldyń birinshi aıyn­da taza ınvestısııalyq tabys 109,6 mlrd teńge boldy. Atalǵan soma ótken jyldyń uqsas kezeńiniń kórsetkishi­nen 45,7 mlrd teńgege nemese 72%-ǵa joǵary. Kiristilik máni ınflıasııadan da asyp túsedi: 9,5%-ǵa qarsy 10,3%. 

«Keıingi jyldary BJZQ zeınetaqy aktıv­te­riniń ınvestısııalyq kirisi barlyq geosaıası dúr­beleńder men álemdik kúı­zelisterge qaramastan oń serpindi kór­setip otyr. Jalpy, 2023 jyly BJZQ salym­shy­la­rynyń shottaryna shamamen 1,6 trln teńge mólsherinde taza ınvestısııalyq tabys tústi, bul ótken jylǵy kór­setkishten 685,4 mlrd teńgege nemese 77,7%-ǵa artyq. UB basqarýyndaǵy BJZQ zeı­netaqy aktıvteri boıynsha kiristilik 2023 jyly 10,1% qurady, bul kezde ınflıasııa 9,8%dy quraǵan bolatyn», dep málimdeıdi Ranking sarapshylary.

Sarapshylardyń aıtýyn­sha, tabystylyqtyń oń kór­setkishteri UB tarapynan BJZQ zeınetaqy aktıvterin basqarýdyń ınvestısııalyq strategııasymen baılanysty. Investısııalyq portfel únemi ártaraptandyrylyp otyrady, qarajat ártúrli qarjy quraldaryna na­ryq­tyq jaǵdaıda ǵana salynady. Belgili bir quraldarǵa qara­jat salý kezinde jahan­dyq jáne ishki faktorlar eskeriledi.

Máselen, Qarjy mınıstr­li­giniń memlekettik baǵaly qa­ǵazdarynyń (MBQ) úlesi bir jyl ishinde 48%-dan 46,8%-ǵa deıin qysqardy. Shet memleketterdiń MBQ úlesi 5,5%-dan 0,14%-ǵa deıin tómendedi. Sondaı-aq­ mık­ro­qarjy uıymdary, kva­zı­­memlekettik uıym­da­r oblı­ga­sııalary, bank oblıgasııa­lary jáne basqa da qarjy quraldarynyń úle­si­niń qys­qa­rýy baıqalady.

Al damyǵan elder aktıviniń úlesi 7,25%-dan 8,94%-ǵa deıin, damýshy elder aktıvteriniń úlesi 3,75%-dan 5,97%-ǵa deıin, syrtqy basqarýdaǵy aktıvter úlesi 9,22%-dan 13,52%-ǵa deıin ósti. Mundaı ártaraptandyrý jáne ýaqtyly ózektendirý zeınetaqy jınaqtarynyń saqtalýyn jáne ornyqty tabystylyǵyn qamtamasyz etedi.