Túrkııanyń birinshi hanymy Emıne Erdoǵannyń qoldaýymen jyl saıyn «Kóp ǵasyrlyq talǵamdardyń toǵysqan jeri: Jeti óńirdegi túrik ashanasy» atty aptalyq ótedi. Sonyń aıasynda elimizdiń birqatar óńirinde de túrik ashanasy uıymdastyryldy.
Túrkııa Respýblıkasynyń Qazaqstandaǵy elshiliginiń uıymdastyrýymen túrik ashanasynyń tamasha úlgileri men Egeı aımaǵynyń taǵamdary tanystyryldy. Merekelik is-shara aıasynda Astanadaǵy sheteldik mıssııa ókilderi, kásipkerler men qoǵam qaıratkerleri qatysty. Olar elimizge kelgen ataqty túrik aspazy Úmit Karakýshtyń as mázirimen tanysyp, til úıiretin táttilerinen aýyz tıdi. Túrkııa elshisi Mustafa Kapýdjý kelýshilerge kóne túrik ashanasynyń dástúri men quramyn saqtaýdyń mańyzdylyǵyn atap ótip, Anadolynyń erekshe dámderin tanystyrý úshin dúnıe júzinde is-sharalar uıymdastyrylyp jatqanyn jetkizdi.
Sondaı-aq Egeı aımaǵynyń erekshe záıtún maılary tanystyrylyp, qonaqtarǵa artıshok júrekteri, qýyrylǵan shópter, asshaıan qosylǵan fava, segizaıaq, qańyltyr, pisirilgen teńiz basy, qabyrǵalar jáne almurt pýdıngi sekildi túrli mázir usynyldy.