Atyraý balyqshylary salmaǵy osynsha tartatyn alyp bekire ustady
Alyp balyq balyqshylar toryna únemi túse bermeıdi. Desek te, ótken senbide «Tilekshi» seriktestiginiń balyqshylary bekire tuqymdas baǵaly alyp balyqty ustady. Olar ádettegideı Jaıyq ózeniniń tómengi saǵasynan balyq aýlaýǵa shyqqan. Sol sátte salmaǵy 125 kılo tartatyn alyp bekire tuqymdas baǵaly balyqty ustady. Onyń uzyndyǵy 2 metr 30 santımetr. Seriktestik jumysshylary salmaǵy aýyr balyqty arnaıy kólikpen Atyraý bekire zaýytyna jetkizdi. Zaýyt dırektory Rashıdın Kalımýllınniń aıtýynsha, baǵaly balyqtyń basynda jáne denesinde túrli jaraqattary bar. Álsiregeni de baıqalady. Osyǵan baılanysty onyń brakonerler toryna túsken bolýy múmkin degen joramal da aıtylady.
«Jaraqaty bar balyq bir aptadaı zaýyt mamandarynyń baqylaýynda bolady», deıdi zaýyt dırektory Rashıdın Kalımýllın. Sonan soń ol zaýytta arnaıy kútimge qaldyryla ma, álde teńiz aıdynyna qaıta jiberile me? Ázirge zaýyt mamandary naqty sheshim qabyldaı qoıǵan joq.
Joldasbek ShО́PEǴUL,
«Egemen Qazaqstan».
Atyraý oblysy.