Integrasııanyń izgi jolyndaǵy ıgi ister

Ortalyq kommýnıkasııalar qyzmetinde «KTZ Express» AQ prezıdenti  Sanjar Elýbaev pen «QTJ» UK» AQ fılıaly – Kóliktik-logıstıkalyq damý ortalyǵy» dırektorynyń orynbasary Abdýr-Rashıd Sákenov baspasóz máslıhatyn ótkizdi. Onda Qazaqstannyń halyqaralyq kólik aǵyndaryna yqpaldasý sharalary sóz boldy. Bul turǵyda «KTZ Ex­press» AQ Qazaqstannyń halyq­aralyq kólik aǵynyna yqpal­dasýy maqsatynda ishki jáne syrt­qy termınaldyq jeli­si­men keń aýqymdy jobalaryna kiriskeni málim. Osy jóninde áńgime órbitken spıkerler «Nur­ly Jol» memlekettik baǵ­dar­la­masyna sáıkes, elimiz aýma­ǵyndaǵy tranzıttik dáliz­der­ge júk aǵynyn tartý qyzmeti res­pýblıka ishindegi termınaldyq jelini sáýleli ádispen damytýdy kózdeıtinin jetkizdi. Osy tapsyrmany oryndaý maqsatynda bıyl birqatar jobalar oryndalypty. Máselen, Astana men Shymkent qalalaryndaǵy A klasyndaǵy kóliktik-logıstıkalyq orta­lyqtar paıdalanýǵa berýge daıyn bolypty. Sondaı-aq, «Qorǵas – Shyǵys qaqpasy» AEA ınfraqurylymdyq nysandary jumysyn bastaǵan. Aqtaý halyqaralyq teńiz por­ty­nyń soltústik qanatyn ke­ńeı­tý jobasy aıaqtalǵaly tur eken. Kompanııa onyń syrtynda halyqaralyq naryqtaǵy kólik­tik-logıstıkalyq qyzmet aıasyn ósire túsken. Al Lıanıýngan (QHR) portynda birlesken Qazaq­stan-Qytaı termınaly tabysty jumysyn jalǵastyryp jatqan kórinedi.  Búginde «KTZ Express» AQ Klaıpeda (Lıtva), Bander-Abbas (Iran) jáne Bombeı (Indııa) porttarynyń termınaldaryna qatysýdy josparlap qoıypty. Bularmen qatar kompanııa pre­zıdenti Qytaı, Reseı, Túrkııa, Iran, Indııa jáne Baltyq jaǵalaýy, Taıaý Shyǵys, Eýropa naryǵyna shyǵý jos­parlary jóninde áńgimeledi. Sóıtip, táýelsizdik jyldarynda Qazaqstan burynǵy KSRO elderimen salystyrǵanda, temirjol qurylysyn birneshe ese artyq júzege asyrǵanyn qadap aıtty. «Sońǵy bes jylda konteınerlik tasymaldardyń kó­lemi 15 esege artty. Bıyl biz taǵy da eki esege arttyrýdy jos­parlap otyrmyz. Atap aıt­qan­da, áleýetimiz óte úlken. Osy oraıda bizdiń logıstıkalyq ınfraqurylymdy belsendi túrde paıdalanatyn bolamyz. Taǵy bir jaǵymdy jańalyǵymyz, Aqtaý halyqaralyq teńiz portyn soltústik baǵytta keńeıtý jobasy aıaqtalýǵa jaqyndady. Bul óz kezeginde qurǵaq júkterdiń tasymalyn 4 esege arttyrýǵa múmkindik beredi. Al «Qorǵas – Shyǵys qaqpasy» AEA qurǵaq porty strategııalyq mańyzǵa ıe ekeni barshańyzǵa málim», dep túıindedi ol sózin. Astana áýejaıynda ushý-qoný alańyn qaıta jaraq­tandyrý men jańa termınal qurylysyn júzege asyrý jos­parlanyp otyrǵanyn QTJ óki­li jetkizdi. «Bul jobanyń aıaqtalý merzimi 2017 jyldyń naýryzyna belgilenip otyr. 2015 jyly temir quımalardyń basty qańqalary ornatylady. Qazirgi kezde daıyndyq jumystary júrip jatyr. Jobanyń bas­ty maqsaty, áýejaıdan ótetin jolaýshylardyń sanyn saǵatyna 750 adamnan 2500-ge deıin arttyrý. Saparlaıtyn adamdardyń sanyn jylyna 3,5 mıllıonnan 7 mıllıonǵa deıin jetkizý kózdelip otyr. Joba iske qosylǵannan keıin 400 adamǵa jumys orny ashylady. Qurylysqa 1 myńnan astam jumysshy tartylady. Basty nazar aýdararlyǵy, ­ushý-qoný alańy qazirgi zaman­ǵy talaptarǵa sáıkes joǵary standarttarmen salynady. Osy oraı­da áýejaı aýa raıy jaǵ­da­ıy­na qaramas­tan, ushaq­tardy qabyl­daý­­ǵa qaýqarly bolady», ­ – dedi A.Sákenov. Nurbaı ELMURATOV, «Egemen Qazaqstan».