Oraldyq genetık ǵalym Indıra Beıshova ǵylymı marapatqa ıe boldy dep habarlaıdy Egemen.kz.
Jáńgir han atyndaǵy Batys Qazaqstan agrarlyq-tehnıkalyq ýnıversıtetiniń Ǵylym jáne tehnologııalardy kommersııalandyrý departamentiniń dırektory, bıologııa ǵylymdarynyń doktory, professor Indıra Saltanqyzy kóktem merekesine oraı Almatydaǵy Ǵylym ordasynda ótken saltanatty jıynda akademık Náılá Bazanova atyndaǵy marapatqa ıe boldy.
Ǵylymdaǵy áıelderge qurmet kórsetilgen jıyndy Qazaqstan Respýblıkasy Prezıdenti janyndaǵy Ulttyq ǵylym akademııasy uıymdastyrdy. Atalǵan marapat ǵylymdaǵy áıelderdiń eńbegin nasıhattap, otandyq ǵylymnyń damýyna jańa serpin beredi.
Ǵalym áıelder akademık Náılá Bazanova atyndaǵy qurmet belgisimen marapattaldy
Eske sala ketsek, Náılá Bazanova − Qazaqstan men Ortalyq Azııada áıelder arasynan shyqqan tuńǵysh akademık. Ol aýyl sharýashylyǵy janýarlary fızıologııasy ǵylymynyń negizin qalaýshylardyń biri. Ǵalym iri qara maldyń as qorytý ereksheligin zerttep, janýarlar fızıologııasy salasynyń damýyna zor úles qosqan bolatyn.
Qazaqtan shyqqan ǵalym áıelder týraly ne bilemiz?
Al marapat ıesi Indıra Saltanqyzy bolsa mal sharýashylyǵyndaǵy seleksııa úrdisin tıimdi júrgizý, genetıkalyq resýrstardy saqtaý men jetildirý sekildi kúrdeli salanyń mamany. Ol qazirge deıin jaby tıpti qazaq jylqylarynyń, Golshtın tuqymdy iri qara malynyń, bekire tuqymdas balyqtardyń, tipti aýyl sharýashylyǵy salasyndaǵy túrli ósimdikterdiń genetıkalyq qurylymyn zerttep, ekologııalyq taza ónim alý ádisterin shyǵarýmen aınalysyp júr.