ASTANA. 27 maýsym. Bolgarııa jerinen arheologtar kremnıı quraldary óndirilgen ejelgi sheberhanany tapty. Bul týraly 24.kz habarlady.
Tabylǵan sheberhana bizdiń dáýirimizge deıingi V myńjyldyqta salynǵan. Ǵalymdardyń aıtýynsha, munda óndirilgen quraldar Balqan túbeginiń basym bóliginde qoldanylǵan. Sebebi olar túbektiń túrli aımaqtaryndaǵy halyq paıdalanǵan quraldarǵa uqsas bolyp shyqqan.
Aıta keteıik, sheberhana Razgrad oblysyndaǵy Kamenevo eldi mekeniniń mańynda oryn tepken. Ejelgi ǵımarattan daıyn kremnıı quraldary, keramıka synyqtary men sazdan salynǵan oshaq syndy jádiger zattar tabyldy.
Talǵat Raıymbek.
Derek, sýret: 24.kz.