Nıý-Iorktegi Staten-Aılend aralyndaǵy keme jóndeý zaýytynda bolǵan jarylys pen órt saldarynan 16 adam zardap shekti, dep habarlady Egemen.kz.
Nıý-Iork órt sóndirý departamentiniń málimetinshe, eki órt sóndirýshi men bir azamat aýyr jaraqat alǵan. Sonymen qatar taǵy 11 órt sóndirýshi jáne jedel járdem qyzmetiniń eki qyzmetkeri zardap shekken.
Qaladaǵy órt sóndirý qyzmetiniń habarlaýynsha, shyǵys ýaqyty boıynsha shamamen saǵat 15:30-da jabyq keńistikte qalyp qoıǵan jumysshylar týraly habar túsken. Al qýatty jarylys shamamen 16:20-da bolǵan.
«Rıchmond-Terras pen Mersero-avenıý aýdanynda kólik qozǵalysynyń kidirisi, joldardyń jabylýy, qoǵamdyq kólik jumysynyń buzylýy jáne avarııalyq qyzmetterdiń bolýy kútiledi. Balama baǵyttardy paıdalanyńyzdar», delingen qalalyq tótenshe jaǵdaılar týraly eskertý júıesiniń X áleýmettik jelisindegi resmı habarlamasynda.
Nıý-Iork áýejaıynda ushaq órt sóndirý kóligimen soqtyǵysty: Zardap shekkender bar
О́rt pen jarylystyń sebepteri áli de tergelip jatyr.