Elorda ákimi Jeńis Qasymbek Bas prokýror Berik Asylovpen birge qurylysy tolyq aıaqtalǵan Qajymuqan Muńaıtpasov atyndaǵy áıgili stadıondy aralap kórdi, dep habarlaıdy Egemen.kz
Buǵan deıin 25 mamyrǵa josparlanǵan tehnıkalyq ashylý rásimi jazdyń basyna aýystyryldy. Qazirgi ýaqytta nysan №8 mamandandyrylǵan balalar-jasóspirimder olımpıadalyq rezerv sport mektebiniń balansyna berý úshin zańdyq rásimderden ótýde.
Stadıonnyń tolyq ashylýy Qazaqstan jasóspirimder fýtbol chempıonatynyń bastalýymen tuspa-tus keledi. Týrnırde eldiń eń myqty 15 komandasy baq synaıdy.
Jańartylǵan sport kesheniniń aýmaǵy shamamen 19 myń sharshy metrdi quraıdy jáne 3600 kórermenge arnalǵan. Nysan UEFA-nyń 4-sanatyna tolyq sáıkes keledi.
Tarıhy 1936 jyldan bastaý alatyn stadıondy jańǵyrtý jumystaryna 17 mlrd teńge jumsalǵan. Aıta keteıik, bul qarajat memleketke qaıtarylǵan zańsyz shyǵarylǵan aktıvter esebinen arnaıy memlekettik qordan bólingen.