Qasym-Jomart Toqaev Qazaqstan men Qytaı arasyndaǵy ekijaqty strategııalyq seriktestikti tereńdetýge úles qosqany úshin Chjao Leszıdi I dárejeli «Dostyq» ordenimen marapattady, dep habarlaıdy Egemen.kz
Búkilqytaılyq halyq ókilderi jınalysynyń tóraǵasy Qazaqstan Prezıdentine QHR Tóraǵasynyń ystyq yqylasyn jetkizdi
– Sońǵy jyldary Tóraǵa Sı Szınpınniń jáne Sizdiń kóregen basshylyǵyńyz ben erekshe qamqorlyǵyńyzdyń arqasynda qytaı-qazaq qatynastary qarqyndy damyp, máńgi jan-jaqty strategııalyq áriptestik deńgeıine kóterildi. Byltyr Siz Tóraǵa Sı Szınpınmen Astanada jáne Tıanszınde eki márte kezdesip, elderimizdiń yqpaldastyq baǵyttaryn aıqyndadyńyzdar, – dedi Chjao Leszı.
Sonymen qatar Búkilqytaılyq halyq ókilderi jınalysynyń tóraǵasy Qazaqstannyń jańa Konstıtýsııasyn qabyldaý boıynsha jalpyulttyq referendýmnyń tabysty ótýimen quttyqtap, Ata zańǵa engizilgen ózgerister memlekettiń uzaqmerzimdi damýy turǵysynan strategııalyq mańyzdy sheshim bolǵanyna nazar aýdardy.