Almaty qalalyq polısııa departamenti Túrksib aýdanynda 12 jastaǵy jasóspirimniń ólimine qatysty qylmysty tergeý úshin arnaıy tergeý-jedel tobyn qurdy. Bul týraly departament baspasóz qyzmetiniń jetekshisi Saltanat Ázirbek málimdedi, dep habarlaıdy Egemen.kz.
Onyń aıtýynsha, sotqa deıingi tergep-tekserý aıasynda barlyq qajetti tergeý áreketteri júrgizilip jatyr. Oqıǵa orny men oǵan jaqyn aýmaqtardaǵy beınejazbalar zerttelip, is materıaldaryna tirkelgen. Sondaı-aq oqıǵanyń mán-jaıyn anyqtaýǵa kómektesetin ózge de sıfrlyq derekter qarastyrylyp otyr.
Birneshe ret pyshaq suqqan: Almatyda 12 jastaǵy jasóspirim qaza tapty
«Barlyq ýájder men nusqalar tekserilip jatyr. Tergeýdiń osy kezeńinde qylmysqa bir kámeletke tolmaǵan jasóspirimniń qatysy bar ekeni anyqtaldy. Ol ustalyp, mamandandyrylǵan mekemege ornalastyryldy», – dep naqtylady Saltanat Ázirbek.
Almatyda kólik saýdasy pyshaqtaýmen aıaqtaldy
Qazirgi ýaqytta qylmystyń barlyq mán-jaıyn anyqtaý boıynsha tergeý jalǵasyp jatyr.