Almaty – Shelek – Qorǵas tasjolynda júk kólikteri beton jabyndysyn búldirip, saldarynan jeńil kólikterge zaqym keltirildi. Zardap shekken kólik ıelerine keltirilgen shyǵyndy merdiger uıym ótep berdi, dep habarlaıdy Egemen.kz.
«QazAvtoJol» mekemesiniń málimetinshe, oqıǵa Almaty – Shelek – Qorǵas avtojolynda aýyr júk kóligi ótkennen keıin bolǵan.
Aldyn ala derekter boıynsha kólik júktemesiniń áserinen joldyń beton jabyndysynyń bir bóligi buzylǵan. Keıin osy ýchaskeden ótken birneshe jeńil avtokólik dóńgelekterin zaqymdap alǵan.
Oqıǵa saldaryn jol qyzmetteri men merdiger uıym jedel túrde joıdy. Jol ýchaskesi normatıvtik talaptarǵa saı qalypqa keltirilip, kólik qozǵalysy shtattyq rejımde qaıta uıymdastyryldy.
Zardap shekken kólik ıelerine kelgen shyǵyndy merdiger kompanııa tolyq ótegen. Sonymen qatar polısııa departamenti atalǵan uıymǵa aıyppul saldy.
Eske salaıyq, byltyr jyl sońynda elimizde 13 myń shaqyrym avtojol jóndelgeni týraly habarlaǵan bolatynbyz.