Almatyda polıseıler sómkesinen granataǵa uqsas zat tabylǵan er adamdy ustady. Bul týraly qalalyq polısııa departamenti habarlady, dep jazady Egemen.kz.
Vedomstvo málimetinshe, Raıymbek dańǵylynda tártip saqshylary kúdik týdyrǵan er adamdy toqtatyp, teksergen. Tintý barysynda onyń sómkesinen pyshaq pen syrtqy túri granataǵa uqsas zat tabylǵan.
Oqıǵa ornyna jedel-tergeý toby men saper mamandary shaqyrylǵan. Tekserý nátıjesinde tárkilengen zattyń oqý-jattyǵý granatasy ekeni jáne eshqandaı qaýip tóndirmeıtini anyqtalǵan.
Oqý-jattyǵýdaǵy oqıǵa: Granata kútpegen jerden jarylǵan
Ustalǵan azamattyń aıtýynsha, ol bul zattardy buryn taýyp alǵan, al pyshaqty turmystyq qajettilik úshin ózimen birge alyp júrgen. Qazirgi ýaqytta bul málimettiń ras-ótirigi tekserilip jatyr.
Sondaı-aq polısııa er adamnyń buǵan deıin qylmystyq jaýapkershilikke tartylǵanyn anyqtady.
Qonaev qalasynda granata jarylyp, eki polıseı jaraqat aldy
Almaty qalasynyń polısııasy turǵyndardy ózimen birge qaýip tóndirýi múmkin zattardy alyp júrmeýge shaqyryp, qarý-jaraqqa nemese oq-dárige uqsas kúmándi zattar tabylǵan jaǵdaıda dereý «102» nómirine habarlaýdy surady.