Áleýmettik jelide Astanadaǵy Saryarqa aýdanynda bolǵan jappaı tóbelestiń beınejazbasy tarady, dep habarlaıdy Egemen.kz.
Vıdeoda jastardyń eki topqa bólinip, bir-birine kúsh qoldanǵany baıqalady. Sondaı-aq birneshe adamnyń aıaýsyz soqqyǵa jyǵylǵany kórinedi.
Jappaı tóbeles: Almatydaǵy eki jasóspirimniń óliminen keıin qylmystyq is qozǵaldy
Quqyq qorǵaý organdarynyń málimetinshe, oqıǵaǵa qatysqan tulǵalardy anyqtaý jumystary jalǵasyp jatyr.
«Atalǵan derek boıynsha Saryarqa aýdandyq polısııa basqarmasy buzaqylyq faktisi boıynsha sotqa deıingi tergeý júrgizip jatyr. Qazirgi ýaqytta oqıǵaǵa qatysy bar barlyq tulǵalardy anyqtaýǵa baǵyttalǵan jedel-tergeý sharalary júrgizilip jatyr», delingen vedomstvo habarlamasynda.
Aıta keteıik, buǵan deıin Aqtaý qalasyndaǵy aılaqtardyń birinde jappaı tóbeles bolǵan bolatyn. Mańǵystaý oblystyq polısııa departamentiniń málimetinshe, qazir oqıǵanyń barlyq mán-jaıyn anyqtaý úshin sotqa deıingi tergeý júrgizilip jatyr.