Qaıǵyly oqıǵalar legi juma kúni Alpiniń Italııadaǵy Gran-Paradızo taýynda bastalǵan. Munda shamamen 3600 metr bıiktikte úsh alpınıst qaza tapty, dep habarlaıdy Egemen.kz.
Qutqarý qyzmeti alpınısterdiń máıitin dabyl sıgnaly túskennen keıin tapqan. Aldyn ala málimet boıynsha olar taýdyń soltústik betkeıinde qulap ketken.
Kelesi táýlikte Monblan massıvinde taǵy úsh adam kóz jumdy. Eki alpınıst Monblannyń Fransııa aýmaǵynda qulap qaza tapsa, úshinshi adamnyń máıiti Italııa jaǵyndaǵy Brenva muzdyǵy mańynan tabylǵan.
Almatylyq dáriger Sıngapýrdan kelgen alpınısti qutqaryp qaldy
Senbi kúni Matterhorn taýynda fransýz alpınısi qaza boldy. Qaıǵyly oqıǵa Tındal shyńynda bolǵan, marqumnyń denesin Shveısarııa qutqarý qyzmeti evakýasııalaǵan. Sondaı-aq osy kúni Germanııadaǵy Karvendel taýlarynda 22 jastaǵy alpınıst shamamen 130 metr bıiktikten qulap qaza tapty. Ol áriptesimen birge órmelep, ekeýi bir arqanǵa baılanyp Shıotteltýrm shyńyna kóterilý kezinde kóz jumǵan.
Jeksenbi túske deıin qutqarý qyzmetteri taǵy eki ólim deregin tirkedi. 25 jastaǵy áıel men 26 jastaǵy er adam Italııadaǵy Pasýbıo taýynda qaza tapty. Olar kúrdeli jartasty ýchaskede shamamen 100 metr bıiktikten qulap ketken.
Alǵash ret qazaq alpınısteri Eıger taýynyń soltústik qabyrǵasyn baǵyndyrdy
Aıta keteıik, Astanada kópqabatty ǵımarattardyń terezelerin tazalaýǵa daıyndyq kezinde alpınıst toǵyzynshy qabattan qulap ketti.